أخـر المقالات

الخميس، 18 يونيو 2015

انترفيو بنك القاهره

-#-#
-#-#


في هذه المقاله سوف تجد كل مايتعلق ببنك القاهره بدايه من التقديم وحتي التعيين ان شاء الله

اولاً :طريقة التقديم وامتحان بنك القاهره (اضغط عليها وهتفتح معاك طريقة التقديم والامتحان )


___________________________________________________________________________

ثانيا : ملفات امتحان وانترفيو وبعض النصائح


_______________________________________________________
الانترفيوInterview
(ملحوظه هذه المقاله تم تجميعها من اراء من قد خاضو التجربه)

بسم الله الرحمن الرحيم
انترفيو بنك القاهرة
اول سؤال" وهيطلبه منك بالعربي" : عرف نفسك بالانجليزية؟
تاني سؤال اختارك انت لية؟ "يعني قولي علي مميزاتك
تالت سؤال: لو هتشتغل في البنك تحب تشتغل في انه قسم
رابع سؤال هيناقش في الخبرات اللي كاتبها في السي في
وعلي فكرة المديرين الموجودين " حوالي 4 اشخاص" ناس زي العسل وهيهرجوا ويحاولوا يشيلوا الضغط اللي عليك
 الانترفيوو سهل جدا جدا اهم حاجة تكون واثق من نفسك هيسالك عرف نفسك انجلش لية اشغلك تحب تشتغل ان فرونت ولا اوت فرونت اية الفروع اللي في محافظتك وهيسالك كنت بتشتغل اية قبل كدة وتشرحلوو وظيفتك اللي فاتت وماتخافش والله بياخدوو من غير واسطة طالما انت كويس ومؤهل بس خليك فورمال وواثق من نفسك   وفي ناس كتير دخلت بعدي انترفيوهات والاسئلة فكسد وبتكوننو 4 مع بعض في الانترفيوو وبيكون رئيس القطاع و2 من الا اتش ار بيعملو معاكم الانترفيوو
التيلر والكاستمر سيرفز بيعملو الانترفيوو الاول وبعدين الامتحان
السيلز او الاخصائي تمويل بيدخل انترفيوو بس
انترفيو بنك القاهرة الخاصه بوظيفه محاسب
السلام عليكم ورحمة الله وبركاته
طبعا يجماعه كلنا بنخاف من الانترفيو وبنعملو حساب..عموما لازم كلنا نتأكد ان انترفيو بنك مصر والقاهره سهل جدا وبسيط ومش بيطلع برا شوية حاجات..ولازم الشخص يتسأل ف حجات ثابته وهى:
اولا:مستوى الانجليزى عنده وده بييجى ف شكل سؤال عرف نفسك باللغه الانجليزيه ومتهيألى كلنا ممكن نرد عليه كويس ومن الافضل تكون محضر اجابتك من قبل متدخل.وكمان مستواك ف الكمبيوتر وايه اللى بتفهم فيه من برامج الكمبيوتر المختلفه.
ثانيا:اسئله عامه ف المحاسبه سواء الماليه او محاسبة البنوك وخلى بالكوا مالهمش تالت...هما دول بس المحاسبتين اللى بيسئلوا فييهم ف بنك القاهره ومصر ان شاء الله
ثالثا:معلومات عامه وطبعا قبل منروح الانترفيو بيومين ممكن نعد نتفرج على الجزيره او العربيه ونشوف الاخبار بصفه عامه والاحداث المميزه بشكل خاص ومتهيألى برده دى بسيطه
وكمان نعرف شوية معلومات عامه عن(البحار زى مثلا البحر الميت وقزوين والاسود بيقعوا جمب دول ايه)+(دول الاتحاد الاوروبى كام دوله وايه هما وعملتهم ايه)+(رئيس دوله معين وانا رافقلكم ملف بخصوص الموضوع ده برده)+(وزير من وزراء مصر )+(عملة دوله معينه ورافقلكم ملف بيه بردو)
رابعاوأخيرا:اسئلة ال اتش أر H.R. واللى بتتلخص ف كام سؤال:
1-اذكر ميزيتين وعيبين فيك..او اتنين ايجابيات واتنين سلبيات وطبعا ممكن السؤال يتوجهلك بالانجلش
2-ايه اكتر قرار خدته صح ف حياتك...او بمعنى تانى اكتر قرار مندمتش عليه..او شايفه انه مصيرى ومؤثر وهكذا...
3-انتا عاوز تشتغل ف بنك القاهره او بنك مصر ليه وايه اللى خلاك بصفه عامه تفكر ف الشغل ف البنوك؟؟ وهكذا يجماعه...
4-ايه اخر انجاز حققته وايه الحاجه اللى كان نفسك تتحقق ولسا متحققتش.
طبعا يجماعه بالاضافه لكل ده فى تقييم ودرجه كبيره للمظهريعنى طبعا بالنسبه للشباب لازم البدله تكون مكويه صح الكرافات والقميص لايىء عليها ..تسريحة شعرك..
كمان فى حاجه مهمه اوى:لازم تتكلم بكل ثقه وثبات...حتى لو كانت اجابتك غلط المهم اللى بيعملك انترفيو يشوفك ثابت وواثق من اجابتك لان ده اللى يهمه..انتا مش هتشتغل بشوية المحاسبه البدائيه اللى هيسئلك فيها ولا حتى بالمعلومات العامه ولا بالانجليزى لكن هتشتغل بلباقتك وثقتك ف نفسك...خليك فاكر دى كويس اوى!!!!
وتحضر اجابات الاسئله الثابته قبل متدخل زى تعريفك بنفسك بالانجلش مثلا.
***نسيت اقولكوا فى احتمال تانى انك قبل متدخل يديك ابليكيشن تملا فيه شوية بيانات وده بيكون فيه الاسم والسن واكتر ماده جبت فيها تقدير ودى طبعا مش مكتوبالك اى كلام..دى مكتوبه علشان هتتسأل فيها شور..يعنى مثلا كتبت اقتصاد او محاسبه هتتسأل فيها وطبعا كلو يبعد عن المواد اللى مش قوى فيها..
كمان بتملا هوايتك....كتبت مثلا القراءه هيقولك اخر كتابقريته ولمين وبيتكلم عن ايه؟؟؟وهكذا...
خبراتك واشتغلت ايه وفين وبكام؟؟وبالتالى هيسالك ف كل اللى انت كاتبه!!!
تمام معاك
بص ياسيدي انا الانترفيو بتاعي
كان كاستمر سيرفز وسيلز
وتيلر قصدي
المهم عرف نفسك ان انجلش اشغلك ليه
كنت بتشتغل ليه قبل كدة
رتبلي اولوياتك لو تقديرك عالي
لوعاوز تشتغل عندنا
تحب تشتغل ايه
وبما انو محددلك البوزشن مش هيسالك السؤال داا
وخد بالك لازم تجيب عدد الفرووع في محافظتك
وتعرف عدد الفروع كلها
ورئيس مجلس الادارة
والحاجات دي كلها علي الويب سايت بتاع البنك
وتجيب بقي معلومات عن البوزشن بتاعتك اللي هي اائتمان
الانترفيووو هيبقي سهل بإذن الله
ماتقلقش وماتتوترش اهم حاجة الثقة في نفسك  لو امتحنت فى الجامعة الامريكية يبقى الانترفيو اعمال مصرفية حسب البوزيشن تللير او خدمة عملاء ولو مكنتش امتحنت يبقى الانترفيو اكيد سيلز
بس الانترفيو سهل ان شاءالله
اهم حاجة تكون واثق من نفسك فى الانترفيو
عرف نفسك
اشتغلت فين قبل كدة
كانت طبيعة شغللك اية
لية عايز تسيب شغللك وتشتغل فى البنك
تعرف اية عن بنك القاهرة
حابب تكون فى بوزيشن اية ولية
وخلى باللك ممكن يكون مع سارة حد كمان فى الانترفية يشوف reactionلردك على الاسئلة فى خاليك هادى وواثق من نفسك
ولو الانترفيو لسيلز هيبقى
هتعمل اية عسان تحقق التارجت بتاعك
تعرف اية عن قروض السيارات او القروض الشخصية
وان شاء الله بالتوفيق وابقى طمنا

نبذة عن بنك القاهرة


يقدم بنك القاهرة باقة متكاملة من الخدمات المصرفية، استناداً إلى تاريخه الطويل والذي يمتد لأكثر من نصف قرن من الخبرة البنكية والتكنولوجيا والتطبيقات الحديثة.
يشغل بنك القاهرة المرتبة الثالثة بين البنوك العاملة في السوق المصرفية بمصر، من حيث عدد الفروع والعملاء وماكينات الصارف الآلي, أكثر من 1.9 مليون عميل، 231 فرع ووحدة مصرفية و339 ماكينة صارف آلى على مستوى الجمهورية، حتى يتمكن العملاء من الحصول على كافة الخدمات المصرفية التي يقدمها البنك بيسر وسهولة في أي مكان داخل مصر. بالإضافة إلى المنشآت التابعة له بأوغندا.
تأسس البنك عام 1952، وقدم للشعب المصري أرقى مستويات الخدمات المصرفية على مدار أكثر من خمسين عاماً. ويواصل بنك القاهرة طرح الخدمات والمنتجات التي تلبي احتياجات الشعب المصري.
لقد تمكن بنك القاهرة الذي يحتفل هذا العام بمرور 60 عاماً على تأسيسه من تحقيق مكانة رفيعة بين البنوك العاملة في مصر ووضع نموذجاً لما يجب أن تكون عليه البنوك الوطنية التي تعمل على المساهمة الحقيقية والفعالة في نمو الاقتصاد القومي بكافة قطاعاته.
 

تاريخ بنك القاهرة


يعد بنك القاهرة من أعرق البنوك التجارية العاملة في مصر، ويخضع لأحكام القانون 88 لسنة 2003 ويقوم بتقديم كافة الأعمال المصرفية من خلال فروعه ووحداته المنتشرة في مصر. يحرص البنك دائماً علي تقديم أحدث الخدمات وتصميم المنتجات المصرفية المتطورة بهدف المحافظة على ثقة عملائه ومكانته في السوق المصرفية المحلية.
وفي السطور التالية نستعرض نبذة تاريخية عن البنك نتوقف فيها عند أهم المراحل التي مر بها منذ تأسيسه وحتى الآن:  
قامت مجموعة من المستثمرين تضم نخبة من رجال الأعمال والاقتصاد والقانون بتأسيس بنك القاهرة في 8 مايو 1952 كشركة مساهمة مصرية، بموجب المرسوم الملكي الصادر في التاريخ نفسه والمنشور بملحق الوقائع المصرية في العدد رقم 82 الصادر في يوم الخميس 15 مايو 1952، وتم قيد البنك في السجل التجاري بالقاهرة تحت رقم 80058. 
بلغ رأس مال البنك عند تأسيسه 500 ألف جنيه مصري، مقسمة إلى 125 ألف سهم (31250 سهم اسمي و93750 سهم لحامله) بقيمة 4 جنيهات للسهم الواحد. تم تشكيل أول مجلس إدارة للبنك، وضم 12 عضواً. وعيّن المؤسسون حضرة صاحب السعادة عبد الشافي عبد المتعال باشا رئيساً لأول مجلس إدارة للبنك. تم افتتاح المركز الرئيسي للبنك في 47 شارع قصر النيل بالقاهرة يوم 15/5/1952. 
وقد بدأ البنك بعدد 3 فروع بالجمهورية العربية المتحدة. وفي عام 1954، تم افتتاح أول فرع للبنك خارج مصر بالمملكة العربية السعودية. وخلال الخمسينات، تم افتتاح فرعين في لبنان أُدمجا في بنك مصر لبنان بناءً علي تعليمات المؤسسة المصرية العامة للبنوك. وفي الفترة من 1955 إلي 1959 تم افتتاح 7 فروع خارجية بالجمهورية العربية السورية ( دمشق - حلب -  اللاذقية)، ثم صدر قانون بتأميم البنوك في سوريا، فآلت ملكية هذه الشركة إلى الدولة. وفى عام 1956 وبعد تأميم قناة السويس, شارك بنك القاهرة فى توفير التمويل اللازم لمحصول القطن المصرى وذلك بعد رفض البنوك الأجنبية لتمويله. 
وفي 14/1/1957 عندما صدر قرار تمصير البنوك رقم 22 لسنه 1957، خضعت البنوك الأجنبية في مصر للحراسة، فاشترى بنك القاهرة من الحراسة العامة علي أموال الرعايا الفرنسيين كل من بنكي كريدي ليونيه وكنتوار ناسيونال ديسكونت دي باري في أبريل 1957. أسندت الدولة إلى بنك القاهرة عملية إصدار أوراق الياناصيب والإشراف علي عمليات السحب وصرف الجوائز الرابحة. تمت زيادة رأس المال الي 1.100 مليون جنيه مصري في 17/1/1957 حيث ساهمت الحكومة المصرية في هذه الزيادة.

رئيس مجلس ادارة بنك القاهره والرئيس التنفيذى :-منير عبد الوهاب الزاهد   ونائب الرئيس :- محمد طه محمد مصطفى
                                                                             enharda ana 3mlt el.interview fe bank el.kahera w kanet m3a el.chairman w 3 kman t2reban HRs w bgd mat2la2osh el.interview kanet sahla bs kolaha in english w awl 7aga by2olak introduce ur self w tb3n enta bt2ol kol 7aga 3n nfsak t3lemak w coursatak w sho3'lak lw enta btshta3'al w ba3d kda bybda2 ys2lak fe sho3'lak w tabe3to w b3deen bys2lak so2al aw so2alen kman ana sa2alny t3rafy eh 3n el.world bank (el.bank el.dawly) w kolo in english matnsosh w eh hya el.bank's sectors (bank's products) w fe nas tanya sa2alhom 3n el.central bank w eh hya wazefto w nas etsa2alo 3n se3r el.dollar b2a kam enharda w kolaha 7agat sahla bs aham 7aga t3rafo 3n wazefet el.central bank w by3ml eh m3a el.bnok el.tanya w goodluck lena kolna isa
-#-# -#-# -#-#
-#-#

0 تعليقات على " "