طريقة تقديم وامتحان وانترفيو بنك كريد اجريكول مصر



بسم الله الرحمن الرحيم
اولا الجاجات اللي هتكلم عنها في الموضوع دة هيا
  • طريقة التقديم
  • · الامتحانات
  • · الانترفيوهات
  • · هنتكلم عن البنك شوية
  • · طبيعة شغل البنك 
  • في الاخر خالص هتلاقي ملفين واحد فيه امتحان الانجليزي متصور
  • والتاني هتلاقي فيه الكلام ده كله في فايل عشان لو عايز تحفظه :)

________________________________________________
طريقة التقديم
  • تملي ابليكيشن من الرابط ده
  http://www.ca-egypt.com/Arabic/General/Careers/Feedmail.htm
  • او تقدم باليد في العنوان ده

مدخل الطريق الدائري إلى شارع التسعين، أول يمين إلى منطقة الشويفات التجمع الخامس، القاهرة الجديدة
تليفوناتهم                   (+202) 2728-1800 / 2728-2949 / 2738-2661
____________________________________
_____

(ملحوظه كل الكلام ده تم تجميعه ..... احنا بنجمع كل امتحانات البنوك عشان تبقي في مكان واحد)

الامتحان

بسم الله نبدا
الامتحانات

الامتحان يبقي واحد من اتنين ياما تمتحن في الاميديست او في البرج وطبعا امتحان الاميديست اصعب من امتحان البرج وهنشوف ويقال ان الكول سنتر بس اللي بيمتحن في البرج والباقي في الاميديست


امتحان الاميديست

اول حاجة بتروح الاميديست ودي عنوانها ( 23 ش مصدق الدقي) اركب مترو الدقي وانزل من المحطة وامشي علي طول واول ما تلاقي بنزينه دي اول ش مصدق) ودة نفس امتحان تحديد المستوي بتاع الاميديست 
هتروح تقول للامن عندي امتحان فوق مش هيقوللك حاجة ولا هياخد البطاقة هتدخل عادي تطلع الدور التالت الريسبشن هتلاقي ولد لذيذ تقوله عندي امتحان في كريدي هيطلع ورق ويبص فية وبعدين هيقولك ميعاد الامتحان بالضبط الساعة عشرة بالضبط مثلا
الناس دي مواعدها مضبوطه جدا لو رحت بدري مش هيخليك تنتظر في الريسبشن هيقولك اطلع فوق الكافتريا الدور السادس والساعة عشرة بالضبط تعالي امتحن في غرفة رقم 301 مثلا 
المهم طلعت الكافتريا الساعة تسعة اتعرفت علي ناس هيمتحنوا تبع البنك الاهلي المهم جات الساعة عشرة نزلت الغرفة 301 الدور الثالث اول حاجة امتحان اسمة replacement ودة عبارة عن 3 section 


اول سيكشن امتحان listening

بتدخل الامتحان في الغرقة الصغيرة بيديك ورقة اجابة وبعدين كراسة الاسئله وبيبدا يشرح لك النظام
ودة عبارة عن ان الموظف بتاع الاميديست بيشغل سي دي والسي دي ده محادثات بين اشخاص وبعد كل محادثة فية اسئله عليها سوال اختار الاجابة الصح من بينa,b,c,dده ده بتجاوب عليه عن طريق تظليل الاجابة الصحيحة وهتلاقي مثال اول المحادثة 
ملاحظات هامة جدا
· السي دي شغال ومينفعش يوقف يعني سوال مسمعتهوش كويس؛ خلاص انساة وشوف اللي بعدة
· اقرا السوال اللي في كراسة الاجابة (السوال بس من غير الاجابة) وافهمة كويس علشان لما تبدا المحادثة تعرف انت عايز ايه وبتدور علي اجابة ايه.
· الامتحان مش صعب بس المشكلة في ان مفيش وقت تفكر علشان كدة افهم الكلام المكتوب.
· الجزء ده عبارة عن 20 سوال اول 9 براجرافات كل براجراف عليه سوال واحد بعد كدة بتلاقي البراجراف يبقي علية اكتر من سوال.
· تقريبا وقت السكشن دة 15 دقيقة بس الشريط انتهي يبقي الوقت انتهي.
· الوقت محدد يخلص الشريط انسي السيكشن دة وابدا في السكشن الثاني .


مثال للتوضيح
هيشغل شريط الكاسيت وهتسمع الاتي
Ramy: Hi magdi I invite you to have a dinner with me tomorrow at 7 o'clock
Magdi: tomorrow oh I am sorry my father is ill & I have to be with him what about next Sunday


Ramy: ok deal


Magdi will have dinner……………………………


1-Today


2-Tomorrow


3-Next Sunday


4-No answer


طبعا اكيد الاجابة رقم 3
يعني اسئلة سهلة جدا


بالنسبة لامتحان دا نخش ع موقع www.englishteststore.com   ونحتار Listening   وندرب كتير
وممكن نشوف الموقع دا بردو http://www.englishjet.com/english_co...test_level.asp

ثاني سيكشن امتحان writing


الامتحان دة عبارة عن قطع مكتوبة عندك في كراسة الاسئلة وانت بتقرا القطعة وتجاوب بس طيب اية الفرق بينة وبين ال listening
الفرق انك في ال listening بتعتمد علي اللي بتسمعة ومفيش اي حاجة مكتوبة 
الامتحان تقريبا 15 دقيقة والاسئلة من 20 – 30 سوال

وبعد كدا نتدرب ع الحل ونخش ع الموقع دا www.englishteststore.com
ونشوف دا بردو للي حابب http://www.englishjet.com/english_co...test_level.asp

وهتعدي
انترفيو الاميديست

بعد كدة بيدوك ورقة مطلوب منك انك تكتب برجراف عن موضوع معين انا مثلا جاني برجراف عن السفر للخارج انت تفضلة ولا وخلي بالك اي كلام هتكتبة هيسالك فية في الانترفيو.
في الانترفيو بيدخلك معيد من الاميديست وبيبدا معاك الانترفيو وطبعا الانترفيو كلة انجلش هيسالك اي اسئلة وخلاص لان هدفة يقيم الانجلش بتاعك وملهوش دخل باي شي اخر زي شخصيتك وكدة
الاسئلة اللي انا فكرها
عرف نفسك
بابا ماما واخواتك بيشتغلوا اية
انت ساكن فين
اية مستواك في الانجلش
اية اخر الاخبار و الاحداث الجارية
بكدة يبقي خلص الامتحان بتاع الاميديست والجوب ماستر والنتجية مش هتعرفها غير من الاتش ار





امتحان كايرو سنتر

انا معنديش معلومات كافية علشان انا امتحنت في الاميديست بس انا هكتب لكم اللي عرفتة من الاعضاء
العنوان 106 شارع القصر العينى امام مجلس الشورى برج كايرو سنتر الدور الرابع اتش ار كريدى اجريكول
دي نقلا عن زميلتنا ليالي مع بعض التعديلات واعتقد دي احدث واحدة امتحنت
بتدخل تملى ابلكيشن صفحتين( صفحة وش وضهر) وخد بالك وانت بتملى الابليكشن علشان مبيحبوش الشطب لان لو شطبت شطبة الابلكيشن هيتقطع ومش هتاخد غيرة تمضى بقى بعد كده على اقرار كده وتدخل على الامتحان


تمضى بقى بعد كده على اقرار كده وتدخل على الامتحان 70 سؤال فى ساعه ونص
24 سؤال جرامر 5 اسئلة على قطعة بتقرها وتفهمها وبعد كده اسئلة اختيار من متعدد يجبلك كلمة ويحطلك تحتيها خط ويقولك اقرب كلمة من الاربعة ليها حوالى 20 سؤال وبعد كده شوية جمل تعتمد على حفظك للكلمات الجرامر كان مركز على الروابط since ,phrasal verbs in spit وكده يعنى بس الجرامر اغلبية الامتحان وكانت فى قطعة عن كوبرى فى اليابان وعن قمة ايفرست




وللي عايز يتدرب ع القطع و حل الجرامر يخش ع الموقع دا www.englishteststore.com

امتحان جوب مستر

وده عنوانة 11 ميدان ابن عفان متفرع من نادي الصيد الدقي 
الامتحان اسمة سيكومترك ودي عبارة عن اسئلة بيقيس بيها شخصيتك وملهوش وقت محدد وكلة انجلش
زي مثلا يسالك اول سوال انت بتحب الموسيقي وبعدين السوال رقم 7 انت بتسمع موسيقي والسوال 17 انت مهتم بالموسيقي
طبعا لازم اجابتك في الاسئلة الثلاثة تكون ليس فقط نفس الاجابة ولكن بنفس الدرجة والقوة يعني هيقولك السوال واجابتة بتكون موافق موافق جدا محايد معارض معارض جدا
وفي نفس السوال اية اكتر حاجة بتوايدها واكتر حاجة بتعارضها

مثال




most Strongly disagree


most Strongly agree


Strongly agree


agree


Neutral محايد

disagree


Strongly disagree









football








music








studying








eating



دة سوال واحد وطبعا هتلاقي السئلة بتتكرر يعني انت لازم تجاوب بنفس الدرجة سواءStrongly disagree او disagree ااو agree ……….

الدرجة بتتحط علي اساس انك جاوبت صح والغلط بياخد الصح معاة يعني لو غلط في واحدة هتاخد معاها واحدة صح


_________________________________________________________________ 
الانترفيوهات



اول انترفيو مع مدير الفرع

ثاني انترفيو مع ا حسن موافي
ثالث انترفيو مع ا محمود الخطيب
اخر انترفيو مع مدير المنطقة 



اول انترفيو مع مدير الفرع



كان الانترفيو كلة انجلش اتصل بيا مدير الفرع وقالي تعالا الفرع انا عايز اشوفك في الغردقة رحت فورمال طبعا سالني
·         عرف نفسك
·         تعرف اية عن البنك
·         تعرف اية عن خدمة العملاء
·         انت شغال اية
·         عايز تسيب شغالك لية
·         عندك استعداد تشتغل من 8 ص الي 10 م
·         لية اختارت كريدي وقدمت فية
·         سالني في السي في والكورسات اللي خدتها
·         اخر حاجة قاللي وضحلي الاسباب اللي تخليني اقبلك وانجحك
وقالي لو ليك نصيب الاتش ار هيكلموك واستنيت شهر وبعدها كلموني



ولازم نعرف كل شئ عن بنك كريدي نبحث ع جوجل ونعرف

ثاني انترفيو مع ا حسن


في الاول بيديك الابليكشن وفية اسمك وتاريخ ميلادك والايميل والعنون بالتفصيل والجنسية والحالة الاجتماعية وعندك استعداد للتنقل حسب حاجة العمل وعندك استعداد للعمل في الاجازات والمرتب المتوقع وعدد الايام اللي ضاعت من شغلك السابق الايام المرضية والايام اللي ضاعت لاسباب خاصة والوظايف التي شغلتها من الاحدث للاقدم الوقت مفتوح وبعدين هياخد بطاقتك ويصورها 
نبدا الانترفيو
راجع معايا اسئلة الابليكشن وركز علي السلري 
هو: انت كاتب 2500 مرتب متوقع
انا: اة 
هو: بس دة كتير 
انا: المرتب مش مشكلة
هو: انت تعرف حد في البنك
انا:لا
هو:introduce your self 
انا: ……………………………………….
هو:الانجلش بتاعك كويس انت خريج مدرسة اية
انا:الشهيد خيرت
هو:دي حكومي مش لغات
انا:انا خريج تجارة انجلش 
هو: جبت تقدير اية
انا:جيد
هو: بس
انا:لية فيها مشكلة 
هو:فية جيد جدا وممتاز
انا:الكلية مش مقياس 
هو:ازاي
انا:انا جبت 94% في ثانوي وجيد في الكلية……………..
هو:انت جبت 94% طيب مدخلتش ,,,,,, ولا,,,,,,,,,,,,,,(خلي بالكوا اني طلعتو من الموضوع)
هو:انت تحب تشتغل في اي قسم 
انا:انا مبحبش اقيد نفسي بقسم معين علشان انا بحب اعمل روتيشن 
هو:طيب رتب اولوياتك
انا:تللر كاستمر سيرفس .......................
هو: طيب اية رايك في التلر؟
انا:دي شغلتي انا اشتغلتها قبل........................
هو:طيب استفدت اية من شغلك السابق
انا:........................
هو:طيب كويس جدا انتظر معاك انترفيو تاني دلوقتي مع م/ محمود
انا:اوك
ثالث انترفيو مع ا محمود الخطيب

الانترفيو بالانجلش

انا:good morning sir,
هو:good morning have a seat. 
انا:thanks
هو:بدا يبص في السي في والابليكشن وقلي انت عايز تشتغل تللر لية؟
انا:علشان انا اشتغلتها قبل كدة و.......................
هو:طيب لو لقيت زميلك بيسرق هتعمل اية
انا:هقولة انت بتعمل كذا وكذا ودة مش صح
هو:لية متروحش لمديرك ع طول
انا:علشان ممكن هو يكون مش عارف انة غلط او هو ماشي صح وانا فهمتة غلط
هو:طيب ولو مسمعش كلامك هتعمل اية
انا:هابلغ المدير المباشر
هو: انت موهلاتك مش كفاية وانا مش عارف ................
انا:حضرتك انا خريج 2009 ومستوي جيد جدا انجلش وكمبيوتر وتدريب في بنوك وكورسات المعهد المصرفي وسوفت سكليز...........
هو:بس كفاية
انا:وكمان بشتغل وعندي لغات غير الانجلش روسي والماني وايطالي و.........................
هو:بس فية حاجة ناقصة
انا:I don't think so
هو:متاكد
انا:Sure ولو كانت فية حاجة هتديني اضافة
هو:تعرف حد في البنك
انا:لا
هو:الكلام دة مش مضبوط
انا:لا مضبوط
هو:امال وصلت لهنا ازاي
انا:بمجهودي
هو:we will see
هو: تعرف اية عن البنك
انا: .............................................
هو:انا مبسوط جدا بيك وعايزك تشتغل هنا في القاهرة
انا:لا انا مبحبش الغربة
هو: Sure
انا: Sure
هو:انا مبسوط منك واتمني لك مستقبل باهر(اوك مبروك)
انا:اتمني ذلك( طبعا كلمة مبروك دي انا مسمعتهاش كويس)


اخر انترفيو مع مدير المنطقة


هو: مبروك انت معانا هتشتغل تللر في شرم الشيخ السلري بتاعك 1900 وفية 500 بدل سفر و......................
انا : (طبعا كنت بغني في سري مصدومة بجد ومش بنطق ولا عارفة ارد)
هو:اية انت مش مبسوط
انا : شرم الشيخ طيب مفيش مكان في بلدي انا طول الانترفيوهات ونتوا بتكلموني علي فرع بلدي 
هو: لا طبعا ( مع العلم ان فية ناس اتعينت في بلدي)
انا :سكت طبعا
هو: موافق
انا :للاسف اه

مرحلة الشغل

خدمة العملاء 
الاول بتدخل تدريب 6 شهور ب 1000 قبل الخصومات وبعد الخصومات سبعمائة وحاجة وبعدها بيقيموك وتمتحتن وتعمل انترفيوهات
الا اذا كان معاك واسطة وتتعين ع طول


الكول سنتر
انا معنديش خليفة علي النظام الجديد بس انا كان ليا واحد صاحبي خد سنتين فيها ومشوه هو وزمايلة علشان القواعد في البنك انك تقعد في الكول سنتر سنتين بس وبعدها تروح ادارة تانية وطبعا هيمشوك ومش هتروح ادارة تانية

الكشف الطبي

كشف تبع التامين الصحي انا رحت عيادة رمسيس الشاملة كان كشف عبيط
نظر وعينية بول وضغط وحاجات عبيطة يوقفك علي صوابع رجليك تحس انك هتشتغل في سيرك ويشوف فية عمليات في جسمك وبس كدة
انت لو حبيت تكشف بعد كدة بيدوك ميدكال كارد تروح بية اوحش المستشفيات الحكومية طبعا وتكشف ولو حاجة كبيرة لازم موافقة من الشركة اللي المستشفي متعاقدة معاها واللي بدورها متعاقدة مع البنك يعني نصيحة موت ومتروحش تكشف علشان هيتعبوك في العلاج هتموت قبل ما تعرف عندك اية
 _______________________________________________________________________________________________
هنتكلم عن البنك شوية

الكلام دة من الموقع بتاع البنك
تعد مجموعة كريدي اجريكول ش.م واحده من اكبر 5 مؤسسات ماليه في العالم من حيث قاعدة رأس المال التي تستند اليها

تشارك المجموعة في قطاع عريض من الانشطه الماليه من .. ائتمان الشركات و التمويل الاستثماري .. من خلال كاليون .. شركه تابعه مملوكه بنسبة 100% .. وصولا الي التجزئه المصرفيه .. بجانب الاصول الواقعه تحت مظلة الاداره و التأمين

تمارس مجموعة كريدي اجريكول ش.م. أعمالها في نحو 60 دولة في أنحاء العالم ولها 9000 فرع وأكثر من 21 مليون عميل في فرنسا وحدها، مما جعلها أضخم المؤسسات المصرفية في فرنسا.

مجموعة كريدي اجريكول هي المجموعه المصرفيه الاكبر في فرنسا و ثاني اكبر مؤسسه مصرفيه في اوربا و الثامنه علي مستوي العالم وفقا لتصنيف مجلة
Banker Magazine


نبذة مختصرة
تأسس بنك كريدي أجريكول مصر في سبتمبر 2006 تتويجاً للاندماج الناجح بين بنك كاليون مصر، الشركة المصرية التابعة لمجموعة كريدي أجريكول، والبنك المصري الأمريكي.

تتحكم مجموعة كريدي أجريكول (كريدي أجريكول ش. م. وكاليون) في غالبية أسهم بنك كريدي أجريكول مصر، أما ثاني أكبر المساهمين فهو مجموعة منصور والمغربي للاستثمار والتنمية
مجموعة كريدى أجريكول
تُعد مجموعة كريدي أجريكول ش. م. واحدة من أكبر خمس مؤسسات مالية في العالم من حيث قاعدة رأس المال التي تستند إليها، وتشارك المجموعة في نطاق عريض من الأنشطة المالية من ائتمان الشركات والتمويل الاستثماري، من خلال كاليون (شركة تابعة مملوكة بنسبة 100%)، وصولاً إلى التجزئة المصرفية بجانب الأصول الواقعة تحت مظلة الإدارة والتأمين، وتمارس مجموعة كريدي أجريكول ش.م. أعمالها في نحو 60 دولة في أنحاء العالم ولها 9000 فرع وأكثر من 21 مليون عميل في فرنسا وحدها، مما جعلها أضخم المؤسسات المصرفية في فرنسا.
كريدي اجريكول مصر ...


تاريخ البنك فى مصر
بدأ بنك كريدي اجريكول أندوسويس مصر عملياته عام 2001،عندما نجح – بالشراكة مع مجموعة المنصور والمغربي للتنمية والاستثمار – في شراء 94من كريدي انترنسونال مصر - الذي كان مملوكاً في السابق لكريدي كومرسيال فرنساوالبنك الأهلي المصري.
في عام 2005، اندمج كريدي اجريكول أندوسويس مصر مع كريديليوني (فرع مصر)، وبالتالي أسسا معاً بنك كاليون مصر.
في يناير 2006، اشترتمجموعة كريدي اجريكول مع شريكها المصري - مجموعة المنصور والمغربي للتنميةوالاستثمار - غالبية أسهم البنك المصري الأمريكي بهدف أساسي هو خلق بنك رائد فيمجال التجزئة المصرفية وائتمان الشركات والتمويل الاستثماري



بيان رسالةالبنك

تتمثل رسالة كريدياجريكول مصر للخمس سنوات القادمة في
تحويل البنك إلي منظمة مركزية شاملة§للعملاء
دعم نمو الأعمال واستدامته انطلاقاً من قوة الدفع الحالية§
§الاستفادة من التقنية لتوفير نظم حديثة للعاملين والعملاء على حد سواء
مواصلة§ابتكار وتقديم حلول ومنتجات القيمة المضافة
خلق اسم تجاري قوي ووعي داخل§السوق
تعظيم التغطية الجغرافية لقنوات التوصيل الخاصة بنا والعمل على التقارب§مع العملاء

رؤية البنك
أن يكون أفضل بنك خاص دولي في عام 2010§
أن يكون§مرجعاً في السوق لطرح المنتجات وجودة الخدمات
أن يكون بنكاً يجذب ويطور ويحتفظ§بمواهب اليوم، قادة الغد
أن يكون بنكاً ذو هوية مشتركة قوية تجمع بين القيم§المحلية وقيم كريدي اجريكول
تحقيق متطلبات الربحية للمساهمين والعمل على§الحفاظ عليها

الاهدافالرئيسية

تمخض عن اندماج بنك كاليون مصر معالبنك المصري الأمريكي ظهور بنك كريدي اجريكول مصر، أحد أهم الأطراف المؤثرة فيالصناعة المصرفية المصرية، ليدخل ضمن أكبر البنوك الخاصة في مصر.
من حيث ائتمانالشركات، يقدم بنك كريدي اجريكول مصر للمجموعات المحلية الضخمة والشركات متعددةالجنسيات والمؤسسات المالية خبرة قوية ومتنوعة بأسواق المال والتمويل الهيكليوالتمويل الاستثماري بالإضافة إلي ائتمان الشركات التقليدي.
من حيث التجزئةالمصرفية، يقدم بنك كريدي اجريكول مصر للأعمال الصغيرة والأفراد أحدث منتجاتالاستثمار وحلول التمويل وأكثرها مرونة.
تقوم رؤية بنك كريدي اجريكول مصر على "أولوية العملاء" من خلال عرض أساليب وحلول أكثر تركيزاً على العميل بحيث تلبيالاحتياجات المتغيرة للعملاء.
تتألف شبكة بنك كريدي اجريكول مصر - المنتشرة فيجميع أنحاء مصر - من جميع فروع كاليون والبنك المصري الأمريكي، بإجمالي 45 فرعاًو75 ماكينة من ماكينات الصراف الآلي، وهو ما يعد مجرد قاعدة لخطة توسع هائلةوطموحة. علاوة على هذا، ولتسهيل عملية الوصول، يقدم بنك كريدي اجريكول مصر خدماتالائتمان عبر شبكة الإنترنت لتسهيل المعاملات بالإضافة إلى وجود مركز اتصالللمساعدة على مدار الأربع وعشرين ساعة طوال أيام الأسبوعالسبع
.____________________________________________
الملفات
امتحان الانجليزي


الملف  الشامل

دعـــــــــــــــواتكم :)

تعليقات

المشاركات الشائعة من هذه المدونة

امتحان البنك الاهلي الجديد 2017 / 2018 English and IQ test

طريقة التقديم وامتحان بنك القاهره

مسابقة البنك الزراعي المصري 2018