أخـر المقالات

الاثنين، 29 يونيو 2015

طريقة تقديم وامتحان وانترفيو بنك مصر ايران MIDB

-#-#
-#-#




طريقة التقديم :  يرسل الــCV علي الايميل التالي

عنوان بنك مصر ايران للتنمية : 

العنوان : 23/21 شارع شارل ديجول - برج النيل - الجيزة - القاهرة
التليفون : 0235727311
الفاكس : 0235701185
الموقع الالكتروني : MIDB




نموزج الاتصال بالبنك للتقدم للوظيفة من هذا الرابط  : بنك مصر ايران للتنمية

______________________________________________________

ثانيا الامتحان

اولا ; المقدمة
نا لسة واصل البيت دلوقتى حالا من انترفيو بنك مصر ايران وححكى على تفاصيل اليوم كلة واقول ملاحطات انا وصلت البنك الى فى برج النيل فى الجزيزة الانترفيو بيكون فى الدور 23 كان فى هناك حوالى 35 او 40 شخص وكلهم ولاد مافيش ولا بنت واحدة  بعد كدة بتيجى الاستاذة اميرة وهى على فكرة محترمة جدا جدا للغاية برنا يبارك فيها بتحاول تهدى كل واحد وتعرفو ان الموضوع بسيط ومافيش مشكلة  وحقولكم بقى على حاجة اول مرة اشوفها فى انترفيو بعتو الناس بتاعت البوفية لينا علشان لو حد عايز يشرب شاى او قهوة يعنى بصراحة معاملة مافيش بعد كدة  الناس كانت مقسمة الى 3 مجموعات المجموعة الاولى من القاهرة ودول حوالى 32 واحد  المجموعة التانية من الاسكندرية وكانو 4  المجموعة التالتة من سوهاج وكانو 4 برضو  على فكرة البنك مالوش غير 15 فرع فى التلات بلاد دول بالاضافة الى دمياط  بعد كدة بتاخد ابلاكيشن بالعربى من صفحة واحدة فية وبيكون مدبس فية السى فى بتاعك  النهاردة برضو البنك عمل حاجة محترمة اوى بصراحة مع الناس الى جاين من اسكندرية وسوهاج الناس بتوع القاهرة عملو قبل كدة انترفيوهين وبين كل واحد حوالى اسبوع واحد مع الانسة اميرة وبعد كدة مع مدير الاتش ار والتالت بتاع النهاردة مع الادارة العليا للبنك  لاكنهم عملو اية بقى جابو الناس بتاعت الاقاليم وعملتلهم التلات انترفيوهات النهاردة مرة واحدة علشان مايسفروش كتير  انا اسف على الاطالة بس حبيت احكى كل التفاصيل بالتفصيل الملل  دولقتى بقى مع مرجلة الانترفيو  الاسئلة بالنسبة الاول انترفيوهين بتوع الاتش ار هى الاسئلة العادية والمعروفة  قدم نفسك تعرف اية عن البنك نقاط ضعفك  كدة يعنى  وبالانجليزى وكان فى واحد قال انا عايز اجاوب بالعربى فقالت لة ماشى مافيش مشكلة  بعد كدة بتنزل للدور 22 ودة الدور الى فية رئيس مجلس ادارة البنك  بيدخلو مجموعة مجموعة مع بعض يعنى الناس بتاعت اسكندرية مع بعض وهكذا  بتدخل تلاقية اية بقى يا معلم طربيزة دائرية كدة فيها 6 من الا دارة العليا للبنك وعلى راسهم نائب رئيس مجلس ادارة البنك والمدير العام للبنك وحتلاقو اساميهم على موقع البنك  المهم اول سؤال كان قدم نفسك وهنا بقى المهم كلوووووووووووووووووووووووو  وركزوووو او معايا  انا كان معايا ناس بتقول اسمها واتخرجبت فين وبتشتغل فين وتسكت  وفى ناس بتفتح وتتكلم عن خبراتها والكورسات وطبيعة الشغل وترغى كتيييييير  انا شوفت انهم بيحبو دة اووووووى لان دة بيفتح ليك مع اللجنة دى مجالات للنقاش  يعنى لما واحد قالهم انو بيشتغل فى المبيعات فضلو يتكلمو معاة فيها كتير اوى  الانترفيو كان بالعربى على فكرة كلو ومافيهوش انجليزى خالص غير مع الاتش ار لاكن خلى بالكو دى مش قاعدة خليك مجهز نفسك على اى احتمال  كل واحد كان بيتسائل اسئلة عادية مافيهاش اى حرفة او لف ودروان يعنى مثلا دى بعض من الاسئلة وانتو بقى قيس على المستوى دة  اية هو الاعتماد المستندى وخطاب الضمان  اية الفرف بين البنك المركزى والبنك التجارى  اية هو دور البنك المركزى فى البلد  اية الفرق بين الاسهم والسندات  اية الفرق بين الشيك والكمبيالة  الفرق بين ميزاينة البنك  تعرف اية عن البنك مصر ايران وحاول هنا بقى تكون اجابتك مميزة مش تقلدية  وهكذااااااا  يعنى من الاخر اسئلة مياشرة ولو عايز تبقى كويس اقرى كويس اوى فى الحاجات دى ملاحطة مش دى كل الاسئلة لاكن انا زودت اسئلة من عندى على نفس المنوال علشان تفهمو قصدى  المهم بعد كدة قالولنا شكرا لييكم وحنبقى نتصل بيكم قريبا  انا شايفو انهم بيخضو فعلا انك تدخل تلاقى 6 من العتاولة لاكن فعلا هما طيبين جدا المهم الثقة فى النفس فعلا  خلى صوتك عالى  اتكلم بثقة  ماتكونش متردد  اتكلم واتناقش معاهم بثقة 



قبل ما نخش ع الانترفيوهات لازم نعرف من هو بنك مصر ايران
تاسس بنك مصر ايران للتنمية في 27 مايو عام 1975 في اعقاب صدور القانون رقم 43 لعام 1974 بشان استثمار راس المال العربي والاجنبي والمناطق الحرة مملوك بشكل مشترك بين حكومتي مصر والجمهورية الإسلامية في إيران. تأسس البنك في 27 مايو 1975 قبل قيام الثورة الإسلامية في إيران "كشركة مساهمة مصرية".[1] يقوم نشاط البنك بالاستثمار في مجال أسواق النقد والمال وتمويل المشروعات وأنشطة التمويل التجاري قصير الأجل ويبلغ رأس المال عند التاسيس 20 مليون دولار مدفوعة بالكامل وتزايدت الي ان وصل راسمال المصرح به حسب الموقع الرسمي للبنك على الإنترنت 300 مليون دولار أمريكي وراس المال المدفوع 250 مليون دولار امريكي .
تمتلك الحكومة المصرية 59،86 في المائة من أسهم البنك ممثلة في البنك الوطني للاستثمار وشركة مصر للتأمين (شركة مملوكة جزئيا للحكومة المصرية)، فيما تمتلك الحكومة الإيرانية 40،14 في المائة عبر شركة إيران للاستثمار الأجنبي. ويتكون مجلس إدارة البنك من ثمانية شخصيات أربعة من مصر وأربعة من إيران أحدهم داوود دانش جعفرى الوزير السابق للشؤون الاقتصادية والمالية في إيران بين 2005 - 2008
والرئيس الحالي للبنك اسماعيل حسن محافظ البنك المركزي المصري الاسبق في الفترة من عام 1993 وحتي 2000 ونشاط البنك القيام بكافة الاغراض الاستثمارية والتجارية في مجال اسواق النقد والمال وتمويل المشروعات وانشطةالتمويل التجاري قصير الاجل وعدد فروع البنك 15 فرع موجودين في القاهرة وسوهاج والاسكندرية وهناك فروع جديدة وهي دمياط- بني سويف- مصر الجديدة- 6اكتوبر-

كدة بتنزل للدور 22 ودة الدور الى فية رئيس مجلس ادارة البنك  بيدخلو مجموعة مجموعة مع بعض يعنى الناس بتاعت اسكندرية مع بعض وهكذا  بتدخل تلاقية اية بقى يا معلم طربيزة دائرية كدة فيها 6 من الا دارة العليا للبنك وعلى راسهم نائب رئيس مجلس ادارة البنك والمدير العام للبنك وحتلاقو اساميهم على موقع البنك  المهم اول سؤال كان قدم نفسك وهنا بقى المهم كلوووووووووووووووووووووووو  وركزوووو او معايا  انا كان معايا ناس بتقول اسمها واتخرجبت فين وبتشتغل فين وتسكت  وفى ناس بتفتح وتتكلم عن خبراتها والكورسات وطبيعة الشغل وترغى كتيييييير  انا شوفت انهم بيحبو دة اووووووى لان دة بيفتح ليك مع اللجنة دى مجالات للنقاش  يعنى لما واحد قالهم انو بيشتغل فى المبيعات فضلو يتكلمو معاة فيها كتير اوى  الانترفيو كان بالعربى على فكرة كلو ومافيهوش انجليزى خالص غير مع الاتش ار لاكن خلى بالكو دى مش قاعدة خليك مجهز نفسك على اى احتمال  كل واحد كان بيتسائل اسئلة عادية مافيهاش اى حرفة او لف ودروان يعنى مثلا دى بعض من الاسئلة وانتو بقى قيس على المستوى دة  اية هو الاعتماد المستندى وخطاب الضمان  اية الفرف بين البنك المركزى والبنك التجارى  اية هو دور البنك المركزى فى البلد  اية الفرق بين الاسهم والسندات  اية الفرق بين الشيك والكمبيالة  الفرق بين ميزاينة البنك  تعرف اية عن البنك مصر ايران وحاول هنا بقى تكون اجابتك مميزة مش تقلدية  وهكذااااااا  يعنى من الاخر اسئلة مياشرة ولو عايز تبقى كويس اقرى كويس

دعــــــــــواتكم :)

-#-# -#-# -#-#
-#-#

4 تعليقات على " طريقة تقديم وامتحان وانترفيو بنك مصر ايران MIDB "

الكلام دا كان من فترة ائ ايه ؟؟؟ وليه 3 انترفيو ؟

هو شكل الامتحان عامل ازاي

هل مطلوب محامين خبرة السن 42سنة

وهل مازال باب التقديم متاح