أخـر المقالات

الثلاثاء، 1 مارس 2016

امتحان بنك عوده Audi بتاريخ 29/2/2016

-#-#
-#-#


بسم الله الرحمن الرحيم
مع الاتش ار dina.sabry@banqueaudi.com
بتخش تمتحن امتحان مكون من 20 IQ كلها نفس افكار اللي موجوده فملفات الجروب زي ملف ال 50 بتاع البنك الاهلي وزي
الملف اللي فاللينك ده هنـــــــــا
بعد كده 20 English MCQ مش جرامر خالص الا بسيط زي تكون اجابه من سؤال او سؤال من اجابه وزي قاعده but و except و after before والحاجات السهله دي متعمقوش قوي المعظم او كلهم معتمدين عالكلمات الفوكابلريز عندك لازم يكون تمام يمكن دا الجزء الاصعب فالامتحان بس عامتا الامتحان سهل جدا ولذيذ وصحيح وسط ال 20 انجليزي دول هتلاقي سؤالين تلاته هبل تكنيكال اكونتينج زي ايه مالاتي مش fixed cost و حاجاات بيزيك وبرنسيبالز فالمحاسبه مش حوار هما اتنين تلاته تكنيكال بس
بعد كده حوالي 15 او 20 برضه اسئله عامه عن البنك وعن معلوماتك العامه
اللي افتكره مين هو ال chair man لبنك عوده هو حاتم صادق
البنك المركزي بيعمل report بتاعه ويبعته لمين
عمله سويسرا ايه ؟ عاصمه ايطاليا ؟ عمله لبنان ؟ البلد اللي بنك عوده مفتحش فيهم مالاتي ويديك 5 اختار اللي مفتحش فيهم ؟ بنك عوده فتح فمصر سنه كام ؟ بنك عوده استحوذ علي بنك فمصر كان اسمه ايه البنك ده ؟ وايه اطول نهر فالعالم ؟ كل المعلومات عن البنك دي تلاقيها فالموقع الرسمي
بعد كده سؤالين بتحتار منهم واحد هما ايساي او مقالي بس براحتك انطلق اللي انا اخترته كان لو انت اول يوم ليك فالبنك وعميل كان غضبان هتعمل ايه ؟ اكتب صفحه عن اللي هتعمله وكله انجليش
بعد كده قطعتين انجليش translation واحده عربي لانجليزي و واحده انجليزي لعربي
هما لذاذ وسهلين بس اكتر الكلمات اللي ممكن تكون جديده عليكوا
خصخصه  وعولمه و صندوق النقد الدولي دا يعتبر الاهم فالعربي لانجليش
فيه من انجليش لعربي زي textile و GDP مجمل الربح المحلي و Domestic و substitution
دا كل اللي اتذكره بس عامه سهل والكلام مش معقد له مفردات كتير تقدر تعبر بكذا طريقه
بتقعد بتاع ساعه ونص عقبال ما يصححوا الامتحان وفالاثناء دي بتاخد ابلكيشن تملاها زي سي في بس صغير بتسالك فالانترفيو طول ما هي ماسكاه بس بعد ساعه ونص يجي نتيجه الامتحان هينادوا علي ناس معينه فالاول ودول غالبا اللي سقطوا ومش هيكملوا وبعد كده اللي فضل يفضل يخش واحد ورا التاني يعمل انترفيو
الانترفيو :صباح الخير اهلا محمود اتفضل introduce yourself انجليش طبعا هتفضل تتكلم ودا بيبقي القصد منه تشوف الاكسنت والانجليزي عندك اخباره ايه فمتركزش انك تسرد معلومات عظيمه وطويله علي قد ما تتكلم انجليزي معقول حتي لو هتكلمها عن اتفه تفاصيلك
بعد كده لما تكتفي من تقديمك هتقلب معاك عربي
اشتغلت فين قبل كده ؟ سبت شغلت ليه ؟ شايف بنك عوده تحدي جديد ليك ؟ شايف نفسك بعد 3 سنين فين بنك عوده ؟ تعرف ايه عن بنك عوده ؟ ايه الصفات ونقط قوتك اللي تاهلك للوظيفه دي ؟ طب ايه ممكن تضيفه لعوده وليه انت بالذات اللي نهتم بتوظيفه ؟ كله فاطار دردشه متقلقوش هي حته مركزتش قوي وكان كل اهتمامها انها تقولك ان فيه انترفيو مهم فخلال اسبوعين تكنيكال ودا اللي لسه ان شاء الله مستنيه دعواتكم والبوست متجدد هحط فيه السكند انترفيو ان شاء الله وبالتوفيق وربنا يسعد الجميع
الامتحان كله MCQ مفيش اكمل والكلام ده كله اختر ما عدا سؤال الترجمه وسؤال المقالي بس كده
-#-# -#-# -#-#
-#-#

2 تعليقات على " امتحان بنك عوده Audi بتاريخ 29/2/2016 "

اسلام مجدي بدير
delete

اسلام مجدي أمين بدير
24سنة مواليد 1نوفمبر 1993
خريخ بكالوريوس تجارة قسم محاسبة ومراجعة عام 2016
حاصل علي كورسات بالمحاسبة
تتدرب في مكتب محاسب أثناء الدراسة لمدة كام شهر
خلص جيشه فبراير 2018
دة رقمه
01115362271
01002673902

اسلام مجدي بدير
delete

انا ببحث على شغل ودي بياناتي
اسلام مجدي أمين بدير
24سنة مواليد 1نوفمبر 1993
خريخ بكالوريوس تجارة قسم محاسبة ومراجعة عام 2016
حاصل علي كورسات بالمحاسبة
تتدرب في مكتب محاسب أثناء الدراسة لمدة كام شهر
خلص جيشه فبراير 2018
دة رقمه
01115362271
01002673902