أخـر المقالات

الأربعاء، 30 مارس 2016

امتحان بنك مصر

-#-#


الحمد لله أنا امتحنت فى الجامعة الأمريكية وجاى أقولكم اللى حصل

مبدأيا الامتحان كمجمل كويس وسهل ومش محتاج تخاف منه ولا تديله أكبر من حجمة
طبعا الناس عارفه مكون من كام سؤال والقصة دى
أنا هقولكم كل جزء تذاكروه ازاى

*بالنسبة لل IQ فهو سهل ماعدا كام سؤال محتاجين تركيز ولو ذاكرتوه من ملف success كده أنت ضمنت الجزء ده بل بالعكس الملف فيه حاجات أصعب من اللى جات فى الامتحان فأنت اضمن وذاكره عشان لو حصل اى تغيير فى الأسئلة واكتفى كده بالجزء ده

*جزء الانجلش
ال listening محتاج تركيز وحاولوا تتدربوا عليه واسمعوا كتير لأنهم بيتكلموا بسرعة مفيش كلام صعب بس نص الكلام بيتقال فى بعضه
والقطعة الكبيرة كانت.سهلة جدا ومفيهاش كلام صعب كلها كلمات سهلة وبسيطه حتى الأسئلة

*الجزء التانى من الانجلش اتفه مما يمكن
أكتر من 10 اسئلة قاعدهif  والقاعده الأولى كمان
وذاكروا المضارع التام والماضى البسيط والروابط although,however وحروف الجر ايه اللى بيجى بعد jump, stay,run ومش فاكر ايه تانى بس مكنوش كتير
وذاكر who,where لما يربطوا جملتين.ببعض
الانجلش كان أسهل حاجه فى الامتحان ولو ذاكرت أى كتاب grammar من كتاب ثانوى كده ضمنت الجزء ده

 *جزء المحاسبة والاقتصاد والتسويق
محتاج تذاكر فيه وتفهم مش تحفظ
المحاسبة والتسويق سهلين ركز فى الاقتصاد
ونصيحة منى بلاش الاسئلة اللى فى الملفات اللى هى التعريفات وكده ذاكر واقرأ وافهم عشان تحل لأن الجزء ده عايز واحد فاهم مش حافظ وان شاء الله هتحله والمحاسبة مكنتش كتير

*آخر جزء معلومات عامة ومواقف مع العملاء فى البنك
ودول تحلهم بصباع رجلك الصغير
المعلومات العامة مخرجتش من الملفات اللى فى الجروب
أنا زى ما استفدت من الجروب ده لازم افيد الناس
«خير الناس أنفعهم للناس»
وربنا يوفق الجميع
اولا شكل الامتحان ناس محترمه كتير شرحت الامتحان وكذلك فى اخ منزل ورقتين فيهم الاسئله االمعلوات العامه للى هما (الصين /نهر النيل/الهند 27/الى اخره)اما احاول افتكر المسال طبعا 1-بيقول زوجه معها ثلاث ابناء بعد سبع سنوات هيكون عمرهم 92 فكم عمرهم بعد 4 سنوات     2/تم شراء 40 كره حمراء وصفراء ومنهم 14 حمراء فكم نسبه الكورات الحمراء فى %             3/موظفه تخصص نصف مرتبها الاجار وربعه مش فاكر اعتبرها الموصلات وخمسه يساوى 1000 فكم اجمالى المرتب     4/ فى السوال دا عاوز نسبه عاديه مثلا واحد بيقبض 1000 وبيصرف منهم 600 عاوز نسبه المصوفات          5/ دا عكس للى فات جايب على ما اتزكر رقم وانسبه وعاوز الاجمالى مثلا النسبه40% والمبلغ 300 الاجمالى =300*100/40كدا حضرتك بتجيب التوتل اما لو نسبه 40/100       6/ بيقول مثلا منال نزلت السوق هى ومامتها الساعه 8.30 واخدت فى السوق 2.15 س وراحت السوبر ماركت اخدت ساعه ومش عارف رحت فين تانى اخدت 1.45  س وراحت مشوار نصف ساعه فكم تكون الساعه عند انتهاء المشوار       7/سرعه السياره 50 كيلو فى الساعه ووصل المدينه المحدده ف الوقت نفسه وهيقول باقى نصف ساع على المدينه الاخرى بكم كيلو باقى        8/دى غلسه شويه بس مش فاكرها كويس سرعه سياره الاسعاف مش فاكر مثلا 115 كيلو فى الساعه فكم سرعه منبه اسياره الاسعاف      كدا كل للى فاكره لو فى شى تانى هنزله يلا بتوفيق       (دعواتكم جميعا)
كل الناس اللي خايفه من الامتحان اللي في الجامعه الامريكيه ومش عارفه تذاكر ايه احب اطمنكوا الامتحان كويس وبيكون عباره عن 120 سؤال
اول حاجه هيوزعوا عليك ورق فيه 30 سؤال اي كيو
بتحلهم في ساعه ونصيحتي علشان متحلش غلط حل اللي متاكد منه جدا واللي شاكك فيه حتي لو 1% سيبه وعلم عليه ف ورقة الاسئله وكمل..
 واللي شايف انه هياخد وقت سيبه وارجعله ومتنساش تعلم عليه برضوا ... هي اسئلة ذكاء كلها مفيهاش حاجه صعبه بس اتاكدوا كويس جدا من حلكوا لان الحل دايما بتحس انه صح 100% وبيطلع غلط لانك اتسرعت او مفكرتش كفايه .. احسب لكل سؤال دقيقه لو عدت دقيقه علم عليه وسيبه لما تخلص ارجعله ....
بعد ماتخلص الاي كيو هيوزعوا عليك ورق فيه باقي ال 120 سؤال يعني من 31 لحد 120
 هتدخل علي الليسنينج .. وده عباره عن محادثتين بيشغلهم .. كل واحده بيشغلها مرتين .. المفروض انك تسمع كويس وتحل علي كل محادثه 5 اسئله نصيحتي انكوا تقروا الاسئله كويس قبل مايشغلها اول مره وتحل اول ماتعرف الاجابه ومتحلش في الشيت علي طول حل ف ورقة الاسئله ولما تسمعها تاني اتاكد من اجابتك وشوف اللي ملحقتش تحله حاول تفهمه .. وافهموا السؤال كويس جدا لان لما جالي ليسنينج كان مثال كده عن حد بيطلب اوردر من مطعم والاسئله كانت بسيطه ..
 اللي هيدفعه .. وعنوانه .. واللي طلبه ..
 لكن اول سؤال كان عاوز تركيز لانه كان بيقول ايه اللي مش موجود ف المطعم من الاختيارات دي
 فانت مش هتختار حاجه هي بتقولها هتختار حاجه مش اتقالت اصلا .. فمتختارش اللي سمعت اعرف الدنيا ماشيه ازاي وافهم سؤالك كويس قبل وبعد المحادثه وخلوا بالكوا من الارقام واحفظوا نطق الارقام للي مش كويس في الانجليش .. عشان هتحتاجوها جدا زي thirty .. Thirteen  الكلام ده هيلخبطك لان نطقها سريع فركز ف النطق بتاعها واعرف ال30 من ال 13 والحاجات الكتير اللي زي كده ...
بعد كده هتسيبك تحل الامتحان والباقي عباره عن شويه انجليش قواعد علي حروف جر وحاجات سهله بس عشان تعمل اللي عليك ذاكر حروف جر  كتير وبتستخدم كل واحده امتي وركز جدا عشان فيه حاجات غريبه غير on و in  يعني جالي سؤال كده ran ... Stairs
والاختيارات كانت on و up و over و through
انا ملقتش حاجه تنفع غير اوفر من رايي بس ناس تقول up وناس تقول on. هي فيها لخبطه بس رايي انها اوفر والله اعلم الصح فين ..
 وحالات If ركز فيها عشان هتحتاجها جدا
بعد ماتخلصوا الانجليش هتدخلوا علي الاقتصاد والمحاسبه والتسويق والاداره والحاجات دي ودول كلهم كويسين للي فاهم ومذاكر يعني طبيعي جدا ان الاتش ار معانا هنا في الجروب وفي كل جروبات البنك وانا بحييكم لانهم ناس محترمين جدا وذوق ويكفي انهم لو حد منجحش بيبعتوله  ناسف لعدم اجتيازكم الاختبار .. وده ذوق منكم وبنوك كتير مش بتعمل كده .. بس ربنا يبعدنا عنها الرساله دي 😀
المهم ان سعادتك بتذاكر من علي الجروب والفايلات والحاجات دي .. طبعا هي مش كل حاجه هتيجي بالظبط يعني مش هيسيبوا اللي بيحفظ ومش فاهم حاجه يقفل الامتحان ..
المفروض اننا هنفهم ياجماعه لان الاسئله مش بتيجي حفظ كده بتيجي من خلال فهمك لانهم عمرهم ماهيجيبوا كلام من برا واللي ف الفايلات حاجات اساسيه مبتتغيرش بس هتلاقي اسئله كتير محتاجه فهم اكتري عني اخره ممكن يلف ف السؤال ..
 ومفيش غير المعلومات العامه والعملات اللي محتاجه حفظ زي ..
عدد الوزرات . اطول نهر .. عملة جنوب افريقيا ..  اول من صنع الورق .. الكلام ده
فانتوا متقلقوش الامتحان كويس
المهم تنام متطبقش عشان انا امتحاني كان ميعاده 9 بدات 10 وخلصت 1 ونص وكان لسه قدامي وقت
يعني الوقت مش ضيق لا مرتاح بس الاي كيو اللي ساعه لكن الباقي متقلقش وقت كويس بس برضوا لو حاجه خدت وقت علم وروح للي بعده يعني 3 ساعات واكتر مركز جدا دي لازم تنام قبلها علشان تعرف تركز
واعمل اللي عليك وذاكر والباقي علي ربنا
واللي ليه نصيب في حاجه هياخدها
سواء بواسطه او من غيرها مادام معاك ربنا
وبتعمل اللي عليك
هيديك علي قد نيتك لو فيها خير ليك
وربنا يوفقنا جميعا
وادعولي 😊
-#-# -#-#

2 تعليقات على " امتحان بنك مصر "

امتحان بنك مصر
انا امتحنت انهردا 6/3/2018 واحب اقلكوا ان الامتحان كلوا اتغير في الاول ركزوا جد في الساعه الاولى علشان بجد الاسئله كتير جدا ركزواعلى النسب المائويه وكمان اسئله زي الي في file success الي هو خرج من بيتوا الساعه كام وهيرجع امته وجاب iq كتيير ومجبش متتاليات خالص بعد مبتخلص الساعه هتسلموا الورق وهتخدوا الورق الي فيه الـ technical و English و الـ listening للاسف برضوا اتغير وبقى عن واحد عايز ياجر شقه وبيتكلم مع صاحب الشقه في السعر وعدد الغرف دوروا عليها والتانيه عن mall عامل sale الreading كان اسموا late سهله مش صعبه نيجي للـgrammar ركزوا جدا على if جيه اكتر من 10 اسئله عنوا ركزوا look at ,look up take off ….ركز جدا على المقارنات more ,most..used to الجرامر كان سهل ومكنش في ولا سؤال عن المعلومات العامه العمله والدول ولا اسامي الوزراء مجتش حاجه منها اصعب حاجه كانت الاقتصاد والمحاسبه كانت اسئله رخمه شويه وجاب اسئله بسيطه في التسويق ده كل الامتحان الي عندوا اي سؤال عن اي حاجه يقلي وادعولي بقى الامتحان يعدي على خير