أخـر المقالات

الأربعاء، 16 مارس 2016

الامتحان الثاني للبنك الاهلي( 2nd exam)

-#-#
-#-#
مساء الخير يا شباب ... كلامى اللى هقولة موجه للناس اللى امتحنت اول مرة سواء فى الاميديست او فى التجمع واتبعتلهم رسالة بعد كدة ب  2nd exam فى فرع البرج كورنيش النيل عشان يبقى الكلام مركز.. اولا دا عبارة عن امتحان ومتغير عن اى حاجة موجودة على الجروب ممكن يكون فية بعض الاسئلة من نموذج 50 بس قليل جدا .. الامتحان38 سؤال معظمة عمليات حسابية بكل انواعها وتحويل كسر عادى لعشرى وازاى تحسب نسبة حاجة معينة ودا كلة  بيتم بدون الة حاسبة وتقريبا سؤال او اتنين IQ فا نصيحة ما تحولش تقرا من فايلات ودرب نفسك على انك تمسك ورقة وقلم وتحل عمليات حسابية وصعبها على نفسك على قد ما تقدر دا هيساعدك كتير فى الامتحان .. اللى بيعدى فى مجموع الامتحانين ( الاميديست وكورنيش النيل) هيعمل انترفيو فى نفس اليوم واللى مش هيعدى لحد دلوقتى معرفش هيحصل معاة اية D: لان انا دلوقتى مستنى نتيجة الامتحان يلا اقعدو زاكرو بقى بالتوفيق لكل الناس.

تحديث رقم 1 (22/03/2016) 

يا جماعة بالنسبة للامتحان التاني للبنك الاهلي للناس اللي امتحنت انجليزي وبعتولها رسالة بمعاد الامتحان التاني 

الامتحان عبارة عن نموذج 50 بالظبط بس كله بالانجليزي فيه اسئلة ip وجمع وطرح وضرب وقسمة ومسألتين احصاء وعليهم اسئلة وفيه اختيارات بيدوك ورقتين ورقة اسئلة ممنوع الكتابة فيها وورقة تانية للاجابة بتكتب فيها رمز الاجابة بس وهما 38 سؤال في ساعة وبعد كده بتستنوا نتيجة الامتحان فيه ناس بتروح عشان محقكوش النتيجة المطلوبة والباقي بيعملوا معاهم مقابلة بس انا معرفش تفاصيل المقابلة لاني من الناس اللي روحت وبالتوفيق للجميع

تحديث رقم 2  (23/02/2016) 
مسائكم فل 
أنا امتحنت النهاردة الإمتحان الثانى ف البنك الأهلى .. هقولكم على كل الليلة من الأخر
بس الأول ... كل واحد راح قبل كدا ومعرفش اللى بعده او بيخبي ع الناس اللى هنا هو عمل ايه ... وفاكر انه كدا هينجح وهما لأ ... أحب أقوله انت انسان مريض بكل معنى الكلمة 
نرجع لموضوعنا
مبدئيا الإمتحان من غير أله حاسبه علشان فيه ناس بتسأل عن الموضوع دا لسه .. وفى ورقة الإجابه هما سايبين ربع صفحه فاضية زى درافت ليك تكتب فيه اللى انت عاوزة وتحسب فيه براحتك .. ان شالله ترسم ديناصورات وسلاحف :v
الإمتحان كله انجلش وكله اختيارات وهتختار الإجابة الصحيحة
- الإمتحان دا هيكون أسهل امتحان تشوفه ف حياتك .. 38 سؤال بيتحلو ف ساعه 
-ال38 سؤال عبارة عن أسئلة جمع وطرح
- وأسئلة زى  مندوب مبيعات االتارجت بتاعه 3456 جنيه مثلا وله عموله 12 % ... طب ال 12% دول يساوى كام ؟
- أسئلة تانيه بيقولك اجمع 4 وثلث + 5وتمن ... وهكذا
أسئله متتاليات مفيش فيها فكرة خالص ولو ذاكرت متتاليات نموذج الخمسين يبقي انت كدا ختمت ليفل الوحش :D 
-أسئلة IQ ودى أتفه منها مفيش وكل واحد فى الجروب هنا ذاكرها قبل كدا .. زى مثلا .. كام شهر ف السنه فيه 30 يوم ... الدكتور كتبتلك شريط علاج فيه  5 حبايات.. وقالك خد حبايه كل نص ساعه .. يبقي الشريط هيخلص في مده أد ايه ؟ وهكذا 
-سؤال جاايبلك رسم بيانى ومرسوم عليه مبيعات الشركة في 5 سنين .. وكل سنه مبيعاتها أد ايه .. هيسألك عليها أسئلة تافهه .. زى مثلا : ايه أكبر سنه الشركة عملت فيها مبيعات ؟ أو أقل سنه ؟ انت طبعا هتبص ع الرسمه وهتجاوب بكل بساطة  
**** المطلوب منك بكل بساطة انك تلاقي طريقتك فى الإجابة .. بمعنى ان الأسئلة سهله بس دول 38 سؤال ف 60 دقيقة .. يعنى السؤال مينفعش ياخد منك أكتر من دقيقة علشان تعرف تراجع وبالتالى لو فكرت كتير الأسئله هتأخرك .. يبقي لازم تقعد مع نفسك كدا قبل الامتحان بيوم وتدرب ازاي تجمع وتطرح أرقام كبيرة  بأسرع وقت.. ازاى تطلع نسبه مؤيه بأسرع وقت  .. بالرغم من سهولة الأسئلة بس صدقنى لازم تلاقي طريقتك الخاصه ف الحساب بسرعه علشان الدنيا تمشي معاك فل 
طبعا أكيد معرفش الناس اللى اتبعتلها .. اتبعتلها ع اساس ايه أو اللى متبعتلوش متبعتلوش ع اساس ايه علشان الناس اللى هتسأل :)) 

مسائكم فل تانى .
وده اهم بوست اتنشر من استاذ دخل الامتحان 
بسم الله الرحمن الرحيم
الكلام ده بخصوص الامتحان التانى فى البنك الاهلى اللى انا امتحنته الاربعاء 23/3/2016
الامتحان كلة متعلق بالارقام هقولكوا على شكلة الاول وبعدين اقولكو هتعملوا ايه 
1/بيسخن معاك ف بداية الامتحان بمتتابعات او متواليات ودى بسيطة جدا يا اما بتزود رقم معين زى كده 7،14،21،28 او تنقص رقم زى كده 81،72،63،54 او انه يخليك تزود رقم تصاعدى(الاعداد الاوليه) زى 1،3،5،7،9،او يخليك تنقص تصاعدى بردو  
بس ف كل الحاجات دى هو بيجيب ارقام كبيرة عشان يخوفك متخافش هى هى الفكرة
2/تحويل الكسور الى ارقام عشرية عن طريق جمع وطرح الكسور ودى شرحها سهل بتاع ابتدائى او ادخل على جوجل وهو هيتصرف معاك 
او تحويل الكسور لنسبة مئوية ودى سهلة بردو ومثال الامتحان اللى جالنا هو 9/5 =180%
طبعا انتو تعرفو ان 3و7/8 هى هى 31/8 بتضرب 3 فى 8 وبتجمع ال7 وبتخليها بنفس المقام ولو معرفتش اديك عرفت 
3/اسئلة IQ ودى اسهل حاجه ف الامتحان زى مثالالبرشامة اللى كل نص ساعة وكام شهر ف السنة فيه 30 يوم والكلام ده 
4/اوسخ وانتن ما فى الامتحان حساب الارباح والعمولات والفوائد ودى عايزة تركيز شديد 
هيقولك مثلاسؤال سهل ف الاول شحيبر اشترى اى حاجه ب 8923 وخد عليها خصم 7% سؤال هيقولك هو دفع كام وسؤال تانى هيقولك قيمة الخصم كام 
هيصعبها شويه ف السؤال اللى بعده ويقولك هو على قيمة الخصم ويطلب منك تحسب نسبته 
هيصعبها عليك اوى ويقولك المثال ده 
محسن خد قرض قيمتة 789435 جنية بفايده 14% احسب قيمة الفايده فى 3 شهور وعيش انت بقى 
وهبقى اشرح حل سريع للكلام ده ف الكومنتات 
5/الرسم البيانى وبيديك رسم بيانى ويطلب تحتة شوية حاجات زى الارباح اكتر سنه هى ايه واكبر هبوط من سنة كام لسنة كام ومتوسط الارباح اية وده مش صعب اوى بس عايز تركيز وفهم للرسم البيانى 
6/بعد كدة جدول وعلية اسئلة بردو ومش صعب اوى 
7/قبل ما انسى مسئلة القسمة المطولة مش هتقسم فيها ومتدخلش ع اليوتيوب وتضيع وقتك المثال اللى جالنا وحلة اهو  29875÷7 هتبص الاول ع الحلول وخليك عارف ان الاجابة 4الاف وشويه مش اكتر هتلاقى اجابتين بعيد عن الحل زى 7436 و 6754والاتنين غلط لانك لو ضربت ال7 و7 الاف او 6 الاف بس الرقم هيطلع اكتر من 29الف بكتير وهتلاقى رقمين 4 الاف وشوية خد رقم منهم واضربة ف 7 لو طلعت الاجابة كان بها مطلعتش يبقى الاجابة هى الرقم التانى
كل اللى انا قلته ده ميزيدش معاك عن دقيقة واحده
8/وهى الاخيرة 8 مسائل جمع وطرح عاديين جدا جدا والمفروض تحلهم بمجرد النظر زى 8170_170 

اخيرا بقى لازم تتدرب ع الحل كتير عشان الحاجات دى بتاخد وقت امسكو ورقة وقلم ابوس رجلكوا احنا اتنفخنا ف الوقت
الحاحة اللى انت عارف فكرتها حلهاةمش عارف فكرتها سيبها للاخر والله الوقت مش هيستحمل تفكير 

اقرا الاجابات قبل ما تحل فية اسئلة هتعرف اجابتها من غير ما تحسب هتلاقى فروق كبيرة اوى ف الارقام واللى مش فاهم هبقى اكتبلة مثالة

متنساش تاخد قلم جاف معاك عشان متتذلش ذل الكلب عقبال ما يدوك قلم 

الرجالة اوعو تروحو من غير بدلة لو انت جايلة من اسوان هيخرجك برا والبنات متلبش بنطلون جينز وياريت الطرحة المشجرة بلاش بردو مش هتتكلفوا الا المشوار 

مش عايز احبطكوا بس انا قفلت الامتحان ده ولما طلعت النتيجة ملقتش اسمى ومش لاقى تفسير لحد دلوقتى وانا اقسم بالله مقفله

بالتوفيق للكل وربنا معاكم وانا موجود ف البوست ده لأى استفسار 

ومتنسوش تدعولى بقى

تحديث رقم 4 يوم 18/04/2016 
الامتحان التاني لسه طالع منه وعامتا لطيف جدا ومقياس بسيط ومنجز عن القديم 
عامتا كده ملحوظه رفيعه الامتحان لو انت فالتجمع فامتحانك هو اللي اتغير واللي انا بشرحه لو انت كورنيش النيل فمتقولش لحد وبخري وخمسي امتحانك نفس اللي اتسرب وفي فايلز الجروب متغيرش لسه بس سمعت انها مساله وقت بس حاليا لسه 
بسم الله 
 مده الامتحان؟
  25 دقيقه 

كام سؤال؟ 
 رينج من 5 ل 8 بتختلف من واحد للتاني زي اول امتحان بتاع الانجليش فبيزيدوا ويقلوا حسب قوه اجاباتك 

الوقت هيكفي؟
 اه جدا وشخصيا شايف كده احسن الاول مساله الوقت قبل كده مشكله لكتير فخلاص خد وقتك فالتفكير بس مش قوي خليك وسط يعني 

هنحسب فين والامتحان كمبيوتر؟ 
هيدوك ورقه تكتب فيها وتحسب لا تكلك ✋ 

هنعمل انترفيو بعد الامتحان؟  
لا هيمشوكوا كلكم بعد الامتحان علي طول بدون اي انتظار مالكمبيوتر لباب الخروج ويقولوا هنبعتلكم رسالة بالانترفيو بصراحه كده اريح واحسن شكرا بنك اهل مصر 

زاكرت من ايه؟ 
جايين فالطريق لاني فالطريق 

ونوع الاسئله؟ 
احصا ورسوم بيانيه تتمحور كلها فحساب نسب دا من دا مع لمحه رياضيه فاستنتاج المطلوب ساعات
 النوع دا مالاسئله بقي اسمه ايه ؟
 data interpretation هجبلكم موقع فيه تست نفس النظام والافكار وانا شخصيا شايفه عن تدريب عليه امبارح شايفه اتقل من امتحانات البنك الاهلي ولو تمكنت فيه تحل امتحان البنك فثواني...لما ارجع مالسفر هحط لينك الموقع وربنا يوفق الجميع وصحيح بخصوص ان مغيش كالكليتور فزاكرو القسمه المطوله والضرب والجمع والكسور والنسب المئوية هتلقوها كلها في فايل اسمه calculation ففايلز الجروب وعامتا هرفعه لما ارجع لا تكلكوا اسديكائي ✋ :'D

الحمد لله رجعت زي ما قولت الامتحان الاسئله بتاعته احصاء من خلال رسوم وفيها رياضه نسب والجو دا مالاسئله اسمه Data Interpretation لو حابب تتعمق فيه يعني وتبحث علي جوجل 
نخش فالموضوع علي طول نخش فالموضوع علي طول 
ادي انواع الرسومات بتاعته تخش علي كل واحده من اول ال
Table Charts  و Bar Charts و Pie Charts  و اخيرا Line Charts
من هنا 
http://www.indiabix.com/data-interpretation/questions-and-answers/

علي كل واحده مسائل محلوله مشروحه بعدها بقي تخش علي امتحانات كامله 
من هنا وملحوظه الامتحانات طويله و وقتها حتحسوه مش مكفي لانه سامح بالكالكليتور بس انت فكك وحل من غير طبعا مش مهم يخلص الوقت ميخلصش انت حل مع نفسك وفالاخر شوف الحل لان البنك الاهلي من غير الكالكليتور 

http://www.indiabix.com/online-test/data-interpretation-test/

http://magoosh.com/gre/2012/gre-data-interpretation-practice-questions-pie-chart-and-bar-chart/

http://www.aptitude-test.com/data-interpretation.html

وبالتوفيق يا جماعه ونرجع ونقول هتحسوها اتقل من امتحانات البنك الاهلي وانا قصدت لان دا فيها اللي هتلاقوه هناك وزايد عليه حاجات تانيه اهو احتياطي بما ان الامتحانات بتتغير علي مدار الساعه وعامه الافكار هي هي ميقدرش يغيرها اخرهم الصيغه بس واخيرا وليس اخرا ياريت يا جدعان لو حابين تسربوا سربوا بشرح او تلميح فبوست مش صور لان بالعقل لو الموضوع اتسرب بالصور وفاكرين البنك هيسكت نبقي سذج لان كده هيبقي بنك اهل مصر حرفيا هيبقي اي حد عايز يتوظف عليه وعلي الصور مش مهم نذاكر وكله عدس بس ربنا يسهل ويوفق الكل بالحلال وبالتعب 

وادي لينك الفايل اللي هيساعدك فمراجعه الحساب بما ان الامتحان من غير كالكليتور زي ما قولنا 
لينك تحميل : https://www.mediafire.com/?mq2zxll4mjwd71k
ودي برضه فيديوهات مفيده لطرق الحساب بس طبعا الفايل له الاولويه بس اهو حاجات اضافيه 
https://www.youtube.com/watch?v=deqrVAw-cWg
https://www.youtube.com/watch?v=h1DADlBlBoQ
https://www.youtube.com/watch?v=68ZckntU0mA
https://www.youtube.com/watch?v=Xak4x7-7kBA
https://www.youtube.com/watch?v=2OVTmA1q6WQ
https://www.youtube.com/watch?v=Zq0YNG5kqYE


بالتوفيق وياريت الدعاء بظهر الغيب
-#-# -#-# -#-#
-#-#

36 تعليقات على " الامتحان الثاني للبنك الاهلي( 2nd exam) "

سؤال/ انا جالي رساله بالامتحان الاول
ورحت ولما روحت جالي رسالة بميعاد 30/4/2016
بس في فرع تاني لاميدايست
انا كده هروح امتحن الامتحان التاني؟ ومعقول تطلع نتيجة الامتحان ف نفس اليوم؟!!
ولا هما اتلغبطوا وبعتولي
ملحوظة هي هي نفس الرسالة
بأختلاف الميعاد والمكان

انا برضو ذيك

بس امتحانت يوم 17/4

انا روحت الاختبار الاول فى مركز اميدست يوم13/4/2016ولحد دلوقتى مجاليش اى حاجه هل كده انا لم انجح ولا لسه فيه امل

انا روحت الاختبار الاول فى مركز اميدست يوم13/4/2016ولحد دلوقتى مجاليش اى حاجه هل كده انا لم انجح ولا لسه فيه امل يا جماعة ياريت حد يرد على بسرعه

لسه هما اجلو الامنتحانات فمتقلقش

طب اناجالي في القاهرة الجديدة حدسمع عنه

طب اناجالي في القاهرة الجديدة حدسمع عنه

أزال المؤلف هذا التعليق. - Clear

كان مضمون الرسالة ايه بالظبط
ممكن اعرف علشان ممكن تكونى معايا ف الامتحان

انا جاتلى رسالة انهردة فى الدقى اميدست

انا جاتلى رسالة انهردة فى الدقى اميدست

كان مضمون الرسالة ايه بالظبط
ممكن اعرف علشان ممكن تكونى معايا ف الامتحان

محدش يعرف ازاي اوصل لمبني البنك الاهلي في شارع السبعين اللي في التجمع ازاي مواصلات ؟!

القاهرة الجديدة هى نفسها التجمع الخامس فى شارع ال70 يا استاذة هند
الامتحان يوم 24/5

حد امتحن انهاردة انا عندي امتحان بكرة

يا جماعه انا ملاحظ من كلامكم ان كلكوا خريجين تجارة انا خريج حقوق بعتولى رساله ان عندى امتحان يوم الاربعاء 1-6-2016 انا لما اروح امتحن ايه علاقتى بالمتواليات والنسبة العشرية والحاجات دى ممكن حد يفهمنى؟

انا عندي امتحان باردو يوم 1/6/2016 ودا اول امتحان ممكن حد يفدنا ايه الي هيجلنا في الامتحان

Me too ana bardo andi emthan youm 1/6. We da awel emtehan had yeroud alina welnabi be ay haga

Me too ana bardo andi emthan youm 1/6. We da awel emtehan had yeroud alina welnabi be ay haga

طب انت امتحانك كان عامل ازاى لانى انا كمان حقوق و عندى امتحان

وانا كمان بعتولى بردو للامتحان التانى في الاميدست كان نفس الامتحان ولا الامتحان التانى

بالنسبة لخريجين حقوق ليهم امتحان تانى لوحدهم غير العمليات الحسابية دى وكدة ولا ايه انا عندى الامتحان التانى فى التجمع الخامس يوم 29/6 ومش عارف اذاكر ايه حسابيات ولا قانون حد يرد عليا يفدنى بعد اذنكوا

الامتحان واحد لكله تقريبا مش هتفرق حقوق او تجارة. و بيقولوا اتغير بقى IQ مش حساب و ده اللينك https://youtu.be/o8BHgmQrFig

لو سمحت هو ده اختبار للشغل ولا تدريب صيفى ؟

انا كنت مقدم علي اساس انه تدريب صيفى بس طلع شغل

ازاى يعنى
مش المفروض كل واحد لوحده
ولا حضرتك قدمت غلط
انا مقدمه تدريب صيفى وعندى بكره امتحان وانترفيو وكاتبينلى الانترفيو 9 الصبح والامتحان 9 بالليل
ومش عارفه شكل الانترفيو ازاى

انا كنت مقدم انه تدريب صيفى و فضلت فاكىدر كده لحد تانى امتحان اكتشفت انه شغل معرفش الغلطة من عند مين بقى. بس يبقى انتى كده مش زى. لان انا كان امتحان فى شهر 4 بعد كده امتحان تانى فى شهر 5 بعد كده انترفيو. بس الانترفيو بيبقى سهل تبقى عارفة بس شوية معلومات عن البنك و تعرفى نفسك و الكلام ده.

فى حد امتحن اى كيو تسيت يوم 15/6/2016 فرع التجمع الخامس ؟ لو فى هل حد وصلو رسالة للانترفيو ؟!

يا شباب مفيش أخبار عن إمتحان شهر 20/8

انا عايزه اسئل ان امحنت اول test بس الاسئله خلصت بدري "يعني كانوا 48 سؤال انا بس وقف لحد 41 " كده دي حاجه كويسه ولا لأ ؟؟

انا عايزه اسئل ان امحنت اول test بس الاسئله خلصت بدري "يعني كانوا 48 سؤال انا بس وقف لحد 41 " كده دي حاجه كويسه ولا لأ ؟؟

انا كمان تقريبا وقف عند السؤال 42 فانا مش عارف دي حاجة كويسة ولا حاجة وحشة. أنا عايز أعرف هل في حد إتبعتلوا رسالة من الناس اللي امتحنت يوم 20/8

ابراهيم حسن ابراهيم
delete

انا جالى امتحان التانى يوم 17/11/2016 حد جاى معايا او جالو نفس الرسالة ؟؟؟

ممكن اعرف المسج مكتوب فيها ايه بالظبط ؟؟

انا امتحنت اول امتحان من شهرين و نصف تقريبا و انهارده جالي مسج امتحان بس مش مكتوب فيها انو الامتحان التاني .. فكده دى اعاده لاول امتحان ولا ده التاني ؟؟؟