اسئلة مقابلات البنك الاهلي واجاباتها ونصائح تخطي هذه المقابله بنجاح

لان المقابله الشخصيه هي اهم مرحله تقدر من خلالها توصل للوظيفه اللي انت محتاجها احنا اهتمينا بيها وجمعنا كل اللي بيه وبتوفيق ربنا تقدر تعديها ولان البنك الاهلي من اكبر البنوك وهوا حاليا طالب ناس كتير جداً نظرا لتوسعه خلال هذا العام سئلنا الناس اللي مرت بالمرحله دي وكل واحد رد بإسلوب مختلف 😊


*************** دي المقالات اللي كتبناها قبل كده عن الانترفيو والثقه في النفس ممكن تشوفها من هنـــــــــا
💗 _1
الـ HR غالبا بتكون واحده ست
1- Introduce your self  اتكلم عن نفسك لحد ماتغير السؤال أهم حاجه تكون كويس فى الانجليزى وتظبط نفسك فى الجرامر فى الكلام اللى هتقوله
2- بتسألك عن شغلك القديم وليه سبته او هتسيبه ؟
3-
الــTechnical غالبا بيكون راجل بيكون شخص مدير منطقة  او مدير قطاع ...
1- بيسألك ليه عايز تشتغل فى البنك ده ؟ وممكن تضيف ايه للبنك؟ والبنك هيضيفلك ايه؟
2-قولى أصعب موقف حصل معاك فى الشغل وقدرت تتغلب عليه ازاى؟
4- معلومات عن اهلك .والدك ووالدتك واخواتك  شغالين ايه ؟
5-
6- في سؤال تسأله او اى استفسارات ؟؟
💖_2
انا كان عندى انترفيو ودا اللى حصل معايا قالتلى عرف نفسك بالانجليزى قلتلها كانت بتتكلم عربى بعدها قلبت انجليزى هى كمان لما بتلاقى اللى قدمها فاهم انجليزى سالت عن شغلى واهلى وعايز اسيب شغلى الحالى ليه لو شفتك بتتكلم انجليزى كويس بتقلب عربى بعد سوال او سؤالين لو نجحت بتبعتك ع انترفيو تانى اسمه تكنكال لو عديت منه يبقى كدا انت اشتغلت خلاص بالتوفيق

بتاخد كل حاجه السى فى وشهادة الجيش للولاد طبعا بس وصورة البطاقه وصورة شهادة الميلاد وصورة المؤهل والتكنكال بيبقى ف نفس اليوم بتاع الانترفيو لو نجحت بتدخل تكنكال
التكنكال
بيكون عن البنوك والاقتصاد والبورصه وعايزة تشتغلى ف قسم ايه ف البنك وليه وتعرفى ايه عن خدمات البنك الاهلى وكدا بس مش بيضغطو عليكى اوى ف الاسئله اللى بيعدى للتكنكال بيبقى بنسبه كبيرة استلم الوظيفه
....................................
عشان الناس الي متعرفش تزاكر ايه للتكنكال و يا ريت تعذروني و الله مش كل الرسايل بشوفها و برضو مش كل الكومنتات بشوفها لاننهم كتير اوي المهم ده اكتر الاسئله ممكن تتسال في التكنكال و ان معرفش اجابتها كلها فمتسالنيش هقولك على مصادر تلاقي فيها الاجابات و تزاكر الحاجات التانيه كمان لان ممكن تتسال غير الاسئله ده  لازم تتعب علشان تحس بحلاوة النجاح :

و ده اكتر الاسئله تكرارا في التكنكال ايه الفرق بين الشيك والكمبياله والسند الاذني
ايه بنود الميزانيه طب ايه الفرق بينها وبين الموازيه والمركز المالي وقايمه الدخل وقايمه التدفقات
ايه الفرق بين ميزانيه البنك والشركه
ايهالفرق بين الاوراق التجاريه والماليه
ايه الفرق بين اذون الخزانه والسندات
ايه الفرق بين الائتمان المصرفي والتجاري
طب ايه هو الاهلاك والفرق بينه وبين الاستهلاك
ايه الائتمان التجاري والتجزئه المصرفيه
ايه دور البنوك ف دعم المشروعات الصغيره
ايه انواع البنوك وايه اللي تعرفيه عن البنك المركزي
طب ايه الفرق بين السياسه الماليه والنقديه
ايه اخر قرارات المركزي
وايه الفرق بين خطاب الضمان والاعتماد المستندي
الفرق بين الوديعه والقرض
الفرق بين الفيزا والماستر كارد
ايه هي منتجات البنك والخدمات اللي بيقدمها البنك وايه اللي تعرفيه و ايه الي تعرفه عن ازمة الدولار و شوية مواقف زي :
1.عميل شتمك بلفظ خارج تعمل ايه ؟
2.لو عميل ادالك فلوس مزوره تعمل ايه ؟
3.لو عميل عايز يسحب مليون جنيه تعمل ايه ؟
4.لو عميل قالك ان الفلوس ناقصه تعمل ايه ؟
5.لو عميل عايز يقفل الحساب عندك لانه لقي بنك تاني بيدي فايده اعلى ازاي تقنعه ميقفلش الحساب ؟
6.لو عندك تارجت محتاج اسبوع و قدامك 3 ايام تحققه ازاي
و ده افضل المصادر الي تزاكر منها التكنكال ده الي اعرفه

( زكاة العلم نشره - اترك اثرا )
وعشان المقال مايبقاش طويل وممل الاستاذ موسى جمع كلام ناس كتير جداً في فايل تقدر تحمله من هنا⏬⏬⏬⬇⬇⬇⬇⬇⬇⬇⬇
دعــــــــــواتكم ☺
                                                                                 هنا

ودي اسئلة مهمه عن الانترفيو لاي مكان 




تعليقات

  1. السلام عليكم يا شباب
    أنا رجلي الشمال مكسوره و متجبسه وطبعاً مش هقدر ألبس shoe فيها وبصراحه محرج اروح كده ع البدله . حد يقولي ينفع اني اروح كده ولا هيمشوني !!
    ولو مروحتش هم بيبعتوا ميعاد تاني للناس اللي مراحتش ولا لأ !!
    اللي يعرف يرد ضروري يا شباب بعد اذنكم الإختبار بعد يومين

    ردحذف
  2. ممكن اعرف مرتب teller في البنك

    ردحذف

إرسال تعليق

المشاركات الشائعة من هذه المدونة

امتحان البنك الاهلي الجديد 2017 / 2018 English and IQ test

طريقة التقديم وامتحان بنك القاهره

مسابقة البنك الزراعي المصري 2018