الامتحان الثاني للبنك الاهلي في التجمع الخامس nbe





الامتحان التاني 2nd
ده الامتحان السابق امتحان البنك الاهلي بالصور
وده كل مايخص البنك الاهلي 

..هحكيلك نظام الامتحان
اللي ف التجمع طبعا ..35 سؤال في 35 دقيقه ع كمبيوتر ..بيدوك ورقة وقلم عشان تشخبط وتحسب وترسم براحتك
الاتش ار قالت طبعا انتم سامعين انه احصا و رياضه ...مفيش الكلام دا كله ذكاء iq
*اسئله متواليات سهله اوي
*نوعيه اسئله اشكال ورسومات و دي سهله وهتعرفها لو ركزت/شكل مقصوص منه حتة و يقولك انهي رسمة تكمل الشكل؟
اسئله هيقولك ارسم خطين متلا و ارسم دايرة ف النص بينهم و دايرة تحت و دايرة فوق ..هيطلع شكل ايه و يديك اختيارات  ..اكيد هتكون اشارة مرور ...اسئله من النوع  دا

*اسئله عن محمد عنده بنت و اختها عندها بنتين و بنت اخوها  عندها اخ ..ويسألك عن صلة القرابه بين شخصين منهم

*و فيه بنت امبارح كتبت ع الجروب اسئله بتاعت nut a bolt b ا  جات بالنص.
وده البوست بتاعها
بالنسبة للناس اللى رايحه تمتحن لتالت مره ف التجمع السؤال ده جه امبارح وفى زيه حوالى 3 تانى بس انا لاعرف الاجابة ولا فاهمة السؤال ف مش هرد ع الكومنتات حلوا انتو مع نفسكم وبالتوفيق
if nut a fits bolt b, bolt c does not fit nut a or b, nut d fits bolt b, bolt c and bolt d are the same but smaller than A. Will Nut D fit bolt A

وفى السؤال ده كمان

Nut C fits on Bolt C. Nut B fits on Bolt B. Nut A fits on Bolt A. Bolt C is larger than Bolt B. bolt A and Bolt B are exactly the same. Which is true?
a. Nut C will fit on all of the bolts.
b. Nut A will fit on Bolt C and Bolt B
c. Bolt A will fit Nut A and Nut B
d. Nut C will fit on Bolt A, but not on Bolt


*و اسئله حروف زي كدا :

A,C,F,J,....?
هتكتب الحروف ع ورقة و ترقمهم
و هتاخدي الارقام قصاد كل حرف تعمليها متواليه و هتحلي ع اساس انها متواليه
هنا مثلا A رقمها 1و C رقمها 3 ...F رقمها 6 ....J رقهما 10 هو هنا بيزود 2 ثم 3 ثم 4 ثم ؟  اكيد 5
و الــ 5 هتقابل حرف  ال o…بتحول الارقام لمتواليه و تتعامل
*نوعيه اسئله زي الرأس بالنسبه للكاب زي ايه بالنسبه لـ إيه ..بتختار الاجابه الصح (بتيجي قليله اوي)
*اسئله زي يعطيك شكل متعرج مثلا او ايا كان..يقولك اختار من الاختيارات الاشكال الي لو  ركبتها ع بعض يعطيك الشكل دا ...طبعا بتحلها بتركيز ولو غلبت ارسم ف الورقة

بعد ما بتخلصوا ..بتستنوا ف مكان ما..بتجي النتيجه بعد 5 دقايق اللي  مش نجح  hard luck
واللي نجح  بيقولوله عندكم انترفيو بعد يومين او 3 ف مكان ما (قالولنا ف برج البنك الاهلي ع الكورنيش...قالنا اوراق زي سي في بطاقه تجنيد كدا..قال مفيش تعليم بانكم تاخدوا بس خدوها احتياطي  )

+هتقابلك كلمات مش هتعرف تترجمها...خمنها
+ماتاخدش calculator ملهاش لزمة
خد قلم يمكن تحتاجه
دا كل الي فاكره بصراحه من الامتحان
كفايه رغي كدا ...ربي يعينكم
------------------------
انا بحكي اللي حصل معايا النهارده ..عشان محدش يتفاجئ انه ممكن يلاقيه احصا لان البنك دا بمليون رأي (الحل انك تراجع الاحصا و الرياضه و النسب و القسمه )
بس دا كلام الاتش ار الحلوة =D

طيب كده انت عرفت شكل الامتحان حمل الملفات دي وذاكر منه


اضغط هنا  دعــــــــــواتكم ☺ 

تعليقات

  1. يعنى بعد الامتحان التانى ده لو نجحت عمل عديه انترفيو؟

    ردحذف
  2. يا جماعة حد عرف حل السوالين اللى الاستاذة نزلتهم

    ردحذف
  3. طيب بالنسبة ل اول امتحان ؟

    ردحذف
  4. الكلام ده يوم 12/05/2016
    امتحان التجمع اتغير كليا
    ومفهوش اي رياضه او احصاء
    كله عباره عن iq
    35 سؤال والزمن 35 دقيقه
    بس السيستم مش بيقفل الوقت عليك
    او يروح منك الامتحان
    بعد م تعدي المده .. المراقب بيخليك تختار عشوائي عشان يقفلك الامتحان
    نموذج الأسألة مش مستقر
    ومش كل الامتحانات هتبقي كده
    بس ع الاقل اليومين دول ف التجمع
    هتلاقي الامتحان السكند عبارة عن iq بس
    ربنا يوفق اللدنيا علي بعضها

    ردحذف
  5. طب بالنسبة للامتحان الاول فى التجمع ايه النظام

    ردحذف
  6. حد يعرف العنوان دا فين بالظبط او اوصله ازاى؟
    NBE buliding 70 st 5th settlement new cairo banking district

    ردحذف
    الردود
    1. شارع السبعين في التجمع الخامس

      حذف
    2. شارع السبعين في التجمع الخامس

      حذف
  7. ازاى اقدر احسب النسبه بدماغى من غير اله حاسبه اللى بتيجى فمسائل الاحصاء و الجداول

    ردحذف

إرسال تعليق

المشاركات الشائعة من هذه المدونة

امتحان البنك الاهلي الجديد 2017 / 2018 English and IQ test

طريقة التقديم وامتحان بنك القاهره

مسابقة البنك الزراعي المصري 2018