أخـر المقالات

الاثنين، 6 يونيو 2016

5 انواع للمحتوى الخاطىء اللى بتنشره على Linkedin وممكن يضر ال Brand بتاعك "سمعتك" ويضيع فرص كتير منك

-#-#


5 انواع للمحتوى الخاطىء اللى بتنشره على Linkedin وممكن يضر ال Brand بتاعك "سمعتك" ويضيع فرص كتير منك!!!! 

بغض النظر عن انت ليه بتستخدم Linkedin سواء للبحث عن وظيفة او انك تعمل Personal Branding لنفسك فى مجالك او لاى سبب تانى !!!

فى كتير مننا بيتفاعل وبيعمل Share لانواع مختلفة من المحتوى هى فى الحقيقة بتأثر بالسلب على صورتك وانطباع الناس عنك على Linkedin!! 

امثلة على انواع المحتوى الخاطىء واللى بيأثر بالسلب على ال Brand بتاعك:

1- انك تكتب "انا بدور على وظيفة كذا وعندى مؤهلات ..... لو لقيت وظيفة بلغنى":
"لان ده مش هيساعدك والناس دايما هتتوقع انك هتكلمهم او هتتواصل معاهم عشان تلاقى شغل بس؟

2- انك تنشر "فوازير" او اسئلة ذكاء "IQ":
ودى بشوفها كتير فعلا ومن ناس فى وظائف كبيرة على اساس ان Linkedin موقع عشان تثبت فيه ذكائك وقدراتك العقلية ولو جاوبت صح ممكن حد يعينك!!!!

3- حكم واقوال مأثورة:
ودى اغلب الناس بتقوم بنشرها بس لو هى لا تتعلق بمجالك فا من رأيى ملهاش لازمة ومش هتفيد بحاجة.

4- تعمل Share لل C.V بتاعك:
ده بردو مش هيساعدك تلاقى شغل لان الشركات مبتدورش على ناس تعينهم بالطريقة دى !!!!
عايز تعرف ازاى الشركات بتعين للوظائف ممكن تقرا المقال ده:http://bit.ly/inhiddenjobmarket

5- تكتب اى كلام سلبى عن شركتك او زملائك فى الشغل.
لان محدش هيعينك لو انت عندك السلوك ده.

لو عايز تعمل Share فكر قبلها هل الحاجة دى هتضيف قيمة للناس او تنفعهم بحاجة ولا لآ!!

انشر حاجات تفيدك وتساعدك تبنى سمعة كويسة فى مجالك زى الاتى:

1- مقالات مفيدة عن مجالك وممكن تلاقيها على LinkedIn Pulse

2- اخبار تتعلق بمجالك.

3- انجازات عملتها او مشروع جديد بتشتغل عليه زى ما ذكرنا فى مقالنا اللى فات 

4- ارائك وتوقعاتك فى الاحداث الاخيرة فى مجالك او الصناعة اللى شغال فيها.

الناس بتاخد انطباع عنك عن طريق كل حاجة بتنشرها فا حاول تستفيد بحساباتك على وسائل التواصل الاجتماعى,
عن طريق انك تبنى سمعة كويسة فى مجالك وتعرف الناس اكتر عن تميزك فى مجالك


المصدر صفحة Career Standout لهم كل الشكر والتقدير
-#-# -#-#

0 تعليقات على " "