أخـر المقالات

السبت، 4 يونيو 2016

ثلاثة خطوات لاقتناص وظيفة احلامك الغير معلن عنها

-#-#
-#-#


3 خطوات لاقتناص وظيفة احلامك الغير معلن عنها!! :)

عشان توصل للفرص اللى نفسك فيها فى شركات محددة مينفعش تستنى اعلان توظيف ليهم,
لان اعلانات الوظائف الموجودة اونلاين تمثل اقل من %30 من فرص الشغل المتاحة فى السوق والمنافسة عليها بتكون اكبر بكتير لان ناس كتير بتقدم عليها,

لو عايز توصل لفرصة شغل/ تدريب فى شركة محددة اعمل الاتى:

1- جمع معلومات كتير عن الشركة واعرف ايه الوظائف اللى تتعلق بمجالك فيها وايه المؤهلات المطلوبة لكل وظيفة وابتدى اشتغل عليها

2- ابتدى اتواصل مع الناس اللى بتشتغل فى نفس مجالك فى الشركات دى وخصوصا مديرين الاقسام لانهم اللى بياخدوا قرار التعيين النهائى بجانب التواصل مع ال HR كمان,

اسهل وسيلة تخليك تتواصل مع الناس دى هى LinkedIn من خلال بحث بسيط عن الشركة وكل الموظفين فيها بس لازم تتأكد انك عندك Profile قوى يوضح مؤهلاتك فى مجالك فعلا...
اقرأ المقال ده عشان  تبنى Profile قوى: http://bit.ly/instrongprofile

3- ابتدى ابنى علاقة طويلة الاجل معاهم عن طريق الاتى:
- اسألهم عن نصايحهم ليك فى المجال وازاى تبقى احسن وتطور من نفسك
- اطلب رأيهم فى مشكلة تتعلق بمجالك او رأيهم فى فرصة قدامك او حتى شهادة نفسك تدرسها
- اسألهم ازاى اشتغلوا هناك وايه المؤهلات المطلوبة وايه تقييمهم لمؤهلاتك الحالية
 
وسعتها هيعرفوك بالفرص الغير معلنه عندهم وممكن يوصلوا ال CV بتاعك لل HR بسهولة :)
واوعى تطلب من حد شغل او تدريب بشكل مباشر لان ده هيظهرك كواحد عايز مصلحة وخلاص

اقتناص الوظائف اكبر بكتير من مجرد انك تبعت ال CV وتستنى حد يكلمك...
لو مش عارف توصل لفرص افضل فى مجالك ابعتلنا رسالة بمشكلتك وهنقولك ازاى تحلها :)

-#-# -#-# -#-#
-#-#

0 تعليقات على " "