ازاى تتكلم عن عيوبك فى المقابلات الشخصية وتحولها لمميزات


ازاى تتكلم عن عيوبك فى المقابلات الشخصية؟! وتحولها لمميزات :)

من الاسئلة الشائعة فى المقابلات سؤال (اذكر مميزاتك وعيوبك)؟!
وذكرنا ان فى المميزات لازم تذكر مواقف او تجارب سابقة تثبت فعلا انك عندك المميزات دى

طيب ازاى تتكلم عن العيوب؟! فى حالة ان ال HR سألك عليها فى ال Interview!!
فى طرق مختلفة للاجابة وهنتكلم عليها من الاسوأ للافضل
1- انك تقول عيوب ملهاش اى علاقة بالوظيفة ومش هتأثر عليها
(مبعرفش اتكلم صينى - مبعرفش اطبخ - خطى وحش)
ودى اجابات هتكون مستفزة لل HR :D

2- تتكلم عن عيوب كانت موجودة فيك وصلحتها:
(كنت عصبى واتعالجت الحمد لله - كنت بخاف وبتوتر بسرعة - كنت بتكسف)
وغالبا سعتها هيقولك عايز عيوب موجودة فيك حاليا!!! وعشان كده يفضل تتبع الطريقة رقم 3 على طول بدل ما ال HR يطردك بعد اجاباتك دى :D

3- اتكلم عن عيوب موجودة فيك حاليا وازاى انت بتشتغل عليها وبتصلحها:
(انا ذاكرتى ضعيفة وبنسى بأستمرار وعشان كده بكتب كل حاجة وبعمل Reminder على الموبايل بكل الشغل اللى عندى اول بأول وبكتب To Do List فى بداية كل يوم :)

وبكده تحول اى عيب عندك لميزة من خلال انك توضح ازاى انت بتصلحه :)

الحالة التانية: ان ال HR اكتشف عندك عيب معين وواجهك بيه اثناء المقابلة!!
زى مثلا انك (قعدت فترة فى البيت مأنتخ - مبتطولش فى اى شغلانة - مشيت بسبب مشكلة)

فى الحالة دى لو عندك اى عيب مش عارف تتكلم عليه ومعندكش سبب مقنع تدافع بيه عن نفسك, يبقى الحل انك تعترف بخطأك وازاى بتحاول تصلحه بردو :)

لو حد قالك كنت قاعد فى البيت فترة كبيرة من غير شغل ليه؟؟!!
اعترف انك كنت ضايع وقتها ومقضيها لغاية ما فوقت بسبب (موقف/تجربة) وقررت تسعى وتعوض اللى فاتك،
(ده لو فعلا انت كده) لو غير كده الكدب ملوش رجلين :)

ولو لسة مش عارف ازاى تزود من فرص قبولك فى مقابلات العمل ابعتلنا رسالة بمشكلتك وهنقولك ازاى تحلها :)

تعليقات

المشاركات الشائعة من هذه المدونة

امتحان البنك الاهلي الجديد 2017 / 2018 English and IQ test

طريقة التقديم وامتحان بنك القاهره

مسابقة البنك الزراعي المصري 2018