أخـر المقالات

الاثنين، 6 يونيو 2016

ازاى تسوق لنفسك على LinkedIn وتظهر ال Profile بتاعك فى اول نتائج البحث عن مجالك

-#-#


ازاى تسوق لنفسك على LinkedIn وتظهر ال Profile بتاعك فى اول نتائج البحث عن مجالك ؟

اكتر من 80% من ال HR او ال Recruiters بيستخدموا LinkedIn فى البحث عن الاشخاص المناسبين فى مختلف المجالات, وده عن طريق انه بيستخدم LinkedIn Search ويدور على الناس اللى بتشتغل فى مجال معين, 
واقوى ناس فى المجال ده بالنسبة ليه هم اللى ظهروا ليه فى اول صفحة فى نتائج البحث !!!!!

حاول تجرب تعمل بحث على وظيفتك او مجالك على LinkedIn وتشوف انت هتظهر من ضمن نتائج البحث الاولى ولا هتظهر فى الصفحات الاخيرة من نتائج البحث؟

لو مكنتش من ضمن اول 10 نتائج فى البحث عن مجالك حاول تعمل الاتى:

1- Complete Your Profile
من اهم المعايير اللى بيعتمد عليها Linkedin فى نتائج البحث هو مدى اكتمال ال Profile بتاعك وهل انت حاطط فيه كل المعلومات المطلوبة عنك ولآ لآ ودى ممكن تعرفها لو ضغطت على Edit Profile هيظهرلك قائمة على اليمين بالمعلومات اللى المفروض تكون موجودة فى ال Profile بتاعك.

2- Build Connection
عدد الناس اللى انت على تواصل معاهم على Linkedin بيأثر فى نتائج البحث لان
انت لو عملت بحث عن اى شخص مش هيظهرلك الا لو كان من ضمن ال Network بتاعتك بمعنى تانى لو بينكم Mutual Connection زى ال Facebook كده فا حاول يبقى عندك Network كبيرة عشان تقدر تظهر لناس اكتر فى نتائج البحث.

3- Use Key Words
ال Key Words هى الكلمات المتعلقة بمجالك واللى الناس دايما بتستخدمها للبحث عن المجال ده زى مثلا استخدام كلمة HR للبحث عن اى حد فى مجال الموارد البشرية وهكذا كل ما كان ال Profile بتاعك يحتوى على عدد اكبر من الكلمات دى هيزداد فرصة ظهروك فى نتائج البحث واكبر تأثير لل Key words لو كانت مكتوبة فى ال Headline لل Profile بتاعك او ضمن الوظائف والخبرات بتاعتك.

4- Get a Customized URL
اضغط على Edit Profile وعدل اللينك المكتوب لل Profile بتاعك تحت صورتك من قائمة هتظهرلك على اليمين واختار URL Link يحتوى على اسمك وده اللى هتستخدمه عشان تعرف اى حد ازاى يوصلك على Linkedin.

5- Get Recommendation
اتواصل مع الناس اللى اشتغلت معاهم قبل كده واطلب منهم يكتبوا عنك توصية على ال Profile بتاعك وده هيقوى نسبة ظهورك فى Linkedin Search.

6- Join Groups
انضم ل Groups تتعلق بمجالك وحاول تكون Active وتشارك بأسئلة وتعليقات وده هيخلى اسمك يظهر كتير قدام الناس ويتواصلوا معاك اكتر وبكده تقدر تكبر ال Connection بتاعتك وتعلى نسب ظهورك فى نتائج البحث على LinkedIn

عشان تتأكد من نسبة نجاحك وتميزك على Linkedin Search حاول دايما تطلب من ال Connection بتوعك انهم يعملوا بحث عن وظيفتك او مجالك وتشوف انت ايه ترتيب ظهورك فى نتائج البحث 

انت ممكن متكنش اشطر واحد فى مجالك بس انت ممكن تعرض نفسك احسن من اى حد وتحصل على فرص اكتر عن طريق انك تعرض نفسك بشكل افضل 

-#-# -#-#

0 تعليقات على " "