خمس اخطاء شائعة على LinkedIn حاول تتجنبها



5 اخطاء شائعة على LinkedIn حاول تتجنبها!!!  

LinkedIn اصبح من اهم المواقع اللى بيعتمد عليها ال HR/ Recruiters فى التوظيف والبحث عن الافضل فى مختلف المجالات  

وبرغم كده لسة فى ناس كتير مش فعالة عليه وبترتكب بعض الاخطاء الفادحة اللى ممكن تضيع منهم فرصة توظيف او تدريب!!!

حاول تتجنب ال 5 اخطاء التالية اللى بيقع فىها معظم الناس على LinkedIn:

1- استخدام LinkedIn فقط عند البحث عن وظيفة او تدريب!!!
.................................................................................
من اكبر المفاهيم الخاطئة عند ناس كتير ان LinkedIn هيفيدك اكتر فى حالة البحث عن وظيفة !!!!
بس الحقيقة انك عشان تحصل على فرصة اكبر هتحتاج تبنى سمعة قوية فى مجالك "Brand" وانك تبنى شبكة علاقات قوية وتعرض ليهم تميزك فى المجال ده,

واحسن وقت تعمل فيه الكلام ده وانت مش بتدور على وظيفة لان هيبقى عندك الوقت تبنى Profile مميز وشبكة علاقات قوية فى مجالك 

فا ﻻزم تكون فعال بشكل مستمر على لينكدان وتعرض نفسك بشكل مميز والفرص هى اللى هتجيلك 

2- انك تبعت Invitation لاى حد عشان تكبر عدد ال Connection!!!
..................................................................................
المفروض انك تكبر دائرة علاقاتك على Linkedin من خلال ان يبقى عندك اكبر عدد من ال Connection لكن خد بالك انت مسموح ليك تبعت 3000 Invitation بس!!

فا حاول تستغلهم بشكل استراتيجى وتبعت %60 من الاضافات لناس فى مجالك و%20 للناس اللى بتشتغل HR والباقى لناس فى مجالات مختلفة 

ولو عرضت نفسك كويس وبتنشر محتوى مفيد لل Network بتاعتك هتﻻقى الناس هى اللى بتضيفك وتهتم انها تتابعك 

3- انك عندك Profile غير كامل على Linkedin:
.................................................................................
ال Profile بتاعك على Linkedin بيلعب دور ال C.V بس Online واى حد محتاج يعرف عنك معلومات اكتر بيلجأ ل Linkedin, وده اللى بيعمله اكتر من %80 من ال HR/ Recruiters.

لو انت مش مكمل ال Profile بتاعك بشكل قوى كأنك بتقدم على وظيفة ب C.V مش كامل!!!
اقرأ المقال ده عن ازاى تبنى Profile قوى على Linkedin:
من هنـــــــــــا

4- ان تكتب منصبك الحالى فقط فى ال Profile Headline:
.................................................................................
عنوان ال Profile بتاعك هو اول حاجة الناس بتشوفها عنك!!!
والجزء ده هو اللى بيدى اول انطباع للناس عنك واللى هيديهم اهتمام انهم يفتحوا ال Profile بتاعك ويعرفوا عنك اكتر 

فا لو لو انت كاتب منصبك الحالى بس فى ال Headline تخيل فى كام واحد بيشغل نفس المنصب ده حاليا !!!! وده مش هيخليك مميز على الاطلاق.

الافضل انك تكتب منصبك بالاضافة ل ازاى انت ممكن تساعد ال Customer بتاعك "اللى هو شركة معينة او شريحة معينة من الناس" وده هيميزك عن اى حد فى مجالك 

5- متنساش ان اى حاجة بتعملها Online بتأثر على ال Brand بتاعك:
.................................................................................
كل حاجة مرتبطة بيك على Linkedin بتأثر على سمعتك فى مجالك,
بداية من ال Profile بتاعك وال Network اللى عندك وال Updates اللى بتنشرها.
كل ده بيشكل ال Brand Identity بتاعتك او هويتك وانطباع الناس عنك 

وعشان تبنى Brand Identity ناجحة لازم كل حاجة بتعملها تكون متناسقة مع بعضها زى مثلا,

هل الكلام المكتوب فى ال Profile بتاعك هو نفسه اللى مكتوب فى ال C.V
هل الحاجات اللى بتنشرها مرتبطة بمجالك وبالانطباع اللى عايز الناس تاخده عنك.

لانك بتحاول توصل رسالة واضحة للناس عن
-انت مين؟ -وبتعمل ايه؟ -وايه مميزاتك؟ -وازاى ممكن يستفيدوا منك ؟

وده كله ممكن تعمله بسهوله على Linkedin:
اقرا المقال ده عن ازاى تستخدم Linkedin Profile كوسيلة تسوق بيها لنفسك:
http://bit.ly/inprofilebranding

- حاول تتجنب الاخطاء دى واستغل Linkedin بشكل افضل 

لو استفدت من المقال ده انشره مع ال Network بتاعتك وساعدهم يتميزوا على Linkedin


المصدر صفحة Career Standout لهم كل الشكر والتقدير

تعليقات

المشاركات الشائعة من هذه المدونة

امتحان البنك الاهلي الجديد 2017 / 2018 English and IQ test

طريقة التقديم وامتحان بنك القاهره

مسابقة البنك الزراعي المصري 2018