أخـر المقالات

الجمعة، 29 يوليو 2016

كل ما يخص المقابلات الشخصيه للبنك الاهلي بالتفصيل

-#-#
-#-#

بسم الله الرحمن الرحيم

في المقال ده ان شاء الله هتكلم عن المقابله الشخصيه الخاصه بالبنك الاهلي

في البدايه كده كل مايخص البنك من هنـــــــــــا

 المقابله الشخصيه هي اهم مرحله تقدر من خلالها توصل للوظيفه اللي انت محتاجها احنا اهتمينا بيها وجمعنا كل اللي بيه وبتوفيق ربنا تقدر تعديها ولان البنك الاهلي من اكبر البنوك وهوا حاليا طالب ناس كتير جداً نظرا لتوسعه خلال هذا العام سئلنا الناس اللي مرت بالمرحله دي وكل واحد رد بإسلوب مختلف 😊

(دعواتكم لكل من شارك في هذا العمل )

  1ـــــبصوا يا شباب .. البوست خاص بالتحضير لاول انترفيو اولا الحاجات اللى هكتبها هى اجتهاد شخصى منى يعنى اللى عنده حاجة احسن من اللى هكتبه يقدر ياخد منى اللى يعجبه ويكمل عليه ثانيا البوست طويل شويه معلش بس ان شاء الله هتلاقوا فيه خلاصة الانترفيو ثالثا متنسونيش بدعوة حلوة كده قبل ما تبدأوا البوست بقي ان ربنا يكرم ويبعتولى التكنيكال ويبقي التعب دا كله بفايدة :D قبل ما نتكلم عن الاسئلة اللى بتيجى ف الانترفيو هنتكلم عن شويه اساسيات 

1_ اهم حاجة الهدووووووووووووووووووووووووووء التوتر يا جماعة بيضيع كل مجهودكوا ويبنسي كل حاجة مهما كنتوا محضرين كويس وبيبان عليكوا قدام الاتش ار وهو من الاساسيات عنده ان الشخص يكون هادى لانه هيتعامل مع عملاءانا عارفه انها مش حاجة سهله واكيد غصب عننا لازم نتوتر شويه ف الانترفيو بس ياريت نتدرب اننا نخلى التوتر ف اقل نسبه ممكنهماشى ازاى بقي نقلل التوتر .. _ نحضر نفسنا كويس ونعمل كل اللى علينا عشان نقتنع من جوانا اننا مقصرناش _ نتدرب مره واتنين و3 مع حد عندنا او مع نفسنا على اسئلة الانترفيو وطريقه ردنا عليها_ ننام كويس قبل الانترفيو عشان تركيزنا يكون عالى_ نتوكل على الله ونستغفر كتير ونعرف ان كده عملنا اللى علينا وان الباقي على ربنا وان لو ربنا كاتبلنا رزق فيها محدش هيمنعه عننا وانها لو مجتش يبقي خير ويبقي ربنا كاتبلنا حاجة احسن ( و اه وربنا فيه حاجات احسن من البنك عادى بلاش نوقف الدنيا عند مكان واحد )

2_ هندخل الانترفيو _ نقول صباح الخير ( او اى تحية رسميه ) _ الابتسامه مهمه جدا_ نقعد على الكرسي مرتاحين رجلينا مضمومين وادينا على رجلينا مش على الكرسي ولا على المكتب ولا متربعه .. بالنسبه للبنات بلاش نحط رجل على رجل مش من الاتيكيت اصلا و نحط شنطتنا جنبنا على الارض .. نقعد ظهرنا مفرود

3_ لازم نعرف كويس اوى ان الانترفيو دا مش امتحان انت داخل تعرف نفسك للى قدامك .. الاتش ار انسان زيه زيك مش عدوك كمان على فكره هو كل مهمته انه يشوف انسب شخص للوظيفه المتاحه قدامه .. فا انت حاول تفرض شخصيتك وتعرفه بنفسك كويس وتكون افضل واحد للوظيفه .. حط نفسك مكانه وشوف هتكون محتاج شخص عامل ازاى للوظيفهالموضوع مش مرعب زى ما احنا متخيلين والله 

نتكلم بقى عن الاسئلة و اجابتها .. الاسئلة تبان سهله لكن هى ف الحقيقة محتاجه تحضير كويس وكمان انا مبحبش الاجابات المحفوظه للاسئلة لانها بتلغى شخصيتك .. حاولوا كل واحد يجتهد ويجاوب على الاسئلة بطريقته اللى تبين شخصيته مش تبين انه حافظ

1_ السؤال الاساسى ف الانترفيو هو عرف نفسك بالانجلش Introduce your self ?بصوا يا جماعة انا دورت كتير على افضل اجابة للسؤال دا لانه اهم سؤال و سؤال اساسي ف اى انترفيو ولان بشكل كبير الاتش ار بيكون فكره عنك ف اول دقيقة من المقابله اللى بتكون خلال السؤال داافضل اجابه وصلتلها هى ..انك تقول اسمك وسنك ومؤهلك الدراسي بشكل سريع لان كده كده دى معلومات موجوده قدامه ف الابليكشن وهو عارفها .. انت بتقولها بس لمجرد انك لازم تبدأ بيها فا ياريت تقولها بشكل مختصر بلاش ندخل اى معلومات عن العائلة ومكان السكن والكلام دا .. الحاجات دى هو مش مهتم بيها ولو احتاج يعرفها هو هيسأل عنهاوفر المعلومات اللى تقولها ف السؤال دا لاهم حاجة .. هى انك تعرض شخصيتك ومهاراتك اللى ممكن تقولها مثلا ف صورت انك تقوله الخبره بتاعتك ف الشغل وتقوله ان كانت مهامك ف الشغل كذا وكذا وكذا وبكده تكون قولتله انك بتعرف تعمل الحاجات دى ودا اللى يهمهباختصار حاولوا ف السؤال دا تعرفوه عن نفسكوا اللى هو مهتم يعرفه اللى هو الحاجات اللى تخليك مؤهل للشغل بتاعهحضروا السؤال دا كويس بالانجلش واتدربوا عليه كتير

2_ تعرف ايه عن التيلر .. وممكن كمان السؤال دا يتسأل بالانجلشياريت تقرأوا شويه عن التيلر عشان تكونوا فاهميين مهامه عشان لو حفظتوا و التوتر نساكم لا قدر الله تقدروا تجاوبوا من فهمكمالتيلر هو الصراف وهو مسئول عن أداء الخدمات الماليه بالكامل فى البنك من سحب وايداع وتغيير عملات وتحويل اموال ومواصفات التيلر انه لازم يكون منظم وهادى وصبور ومنتبه وتركيزه عالى ويقدر يشتغل تحت ضغطteller he is a person who responsible for :recieving and processing money and checks when customer makes deposit or withdrawals exchanging foriegn currencyrecieving loan payments entering deposit and withdrawals into bank’s ledger or records

3_ احكيلى موقف صعب حصل معاك وحليته ازاى ؟غالبا السؤال دا بيتسأل بالعربى .. والسؤال دا ناس كتير مش بتعرف تقول فيه ايه طيب ليه الناس مش بتعرف ترد عليه .. عشان الناس مش واخده بالها انها طول الوقت بتمر بمواقف صعبه وبتحلها .. لو انت بتشتغل او كنت بتشتغل قبل كده فا اكييييييييد حصل معاك موقف صعب وحليته .. زى مثلا عميل كان متعصب وانت قدرت تحتوى الموقف او عميل كان عنده مشكلة كبيره وانت حليتها .. او تارجت كان فاضل عليه وقت قليل وعرفت تتصرف وتحققه وغيره كتير دوروا بس كويس وافتكروا مواقف كل يوم ومتستهونوش بموقف اى موقف حصل وانت حليته فا دا تصرف كويسالناس اللى مشتغلتش قبل كده تدور على اى موقف حصل ف الكليه او ف حياتها عموما زى مثلا مادة حصلتلك قبلها ظروف قويه و ذاكرتها ف اخر وقت وقدرت تعدى منها وممكن تقوله انك اتبعت اسلوب العمل الذكى مش العمل الكتيروفيه ناس كمان قالت انه مثلا حد قريب عندهم توفى و دا اثر عليهم جدا بس هما اتغلبوا على دا وكملوا الحاجات المهمه ف الفترة دى و نجحوا ف انهم يعدوا الازمهالعبره ف اجابة السؤال دا انه يشوف انك بتعرف تتصرف هو مش عايز حد يقوله انه حارب تنين مجنح متقلقوش اى موقف هيكون كافي بس اتدربوا عليه وقولوه مع نفسكوا كذا مره وقولوا الموقف بثقة 

4_ ليه سبت الشغل او ليه عايز تسيب الشغل ؟ وممكن السؤال دا برضه يتسأل بالانجلش فا ياريت بعد ما تحضر اجابتك بالعربى وتتمكن منها تحضره بالانجلش كمان وتتدرب عليهاولا اوعى حد يغلط ف مكان شغله القديم ابدا بالعكس لازم تقول انك استفدت منه خبره و ان علاقتك بمديرك و زملائك كويسه جدا واكيد هتستمر .. بعد كده ممكن تقول اى سبب ويفضل انه يكون سبب حقيقى عشان هو يقتنع باللى انت بتقوله زى مثلا .. انك اخدت كل الخبرة اللى ممكن تاخدها من المكان دا وانك حاليا بتدور على انك تتعلم حاجات جديدة وتاخد خبره اكتر وان اكتساب الخبرة ف البنك مش هيقف عند مستوى معين لانه بنك كبير مش زى اى مكان تانى ممكن الخبره فيه توقف عند مستوى معيناو تقول انك عايز تغيير كارييرك وتبدأ ف مجال البنوك لانك بعد ما اشتغلت شغل تانى وبعد ما قرأت عن مجال البنوك حسيت ان هو دا الكارير اللى عايز تكمل فيه وتكبر فيهوممكن اى حد يقترح اسباب تانيه طبعا دى مجرد افكار بس 

5_ ليه مشتغلتش من فترة ( ودا للناس اللى اشتغلت فترة وبعدين قعدت من غير شغل لحد دلوقتى ) وانا اتسألت السؤال دا بالانجلش الفكره ف اجابة السؤال دا انه عايز يعرف انت كنت بتعمل ايه ف الفترة دى انا جاوبت انى كنت ببنى حياتى الشخصيه بيت واسره وبعد ما اطمنت ان حياتى الشخصية استقرت فكرت انى ابدأ حياتى العمليه عشان مقصرش ف واحده منهم وممكن اى اجابة تانيه طبعا زى انك كنت بتاخد كورسات وبتنمى نفسك وبتستعد عشان تقدر تدخل المجال اللى انت عايزه او حتى للناس اللى مكنتش بتعمل اى حاجة ف الفترة دى ممكن تقوله انك كنت مش عارف انت عايز ايه وكنت محتاج فترة ترتب فيها افكارك وتعرف انت حابب تكمل حياتك ف ايه بالظبط بس تقوله كمان ان خلال الفتره دى كنت بقرأ كتير وكنت باخد كورسات اونلين كنوع من دعم الذات لحد ما ارتب افكارى 

6_ ايه طموحك الفترة الجايه أو شايف نفسك فين كمان 5 سنين ؟والسؤال دا برضه ممكن يتسأل انجلش بس ف الغالب بيتسأل بالعربي ( بس ياريت تحضروه برضه بالانجلش عشان متتعرضوش لاى موقف يوقفكوا وتتوتروا )ممكن تقوله مثلا ان طموحك على المدى القريب انك تتوظف ف البنك وطموحك على المدى البعيد انك تكتسب خبرة تأهلك انك تكون ف وظيفة كويسه جوه البنك وتحسن مهاراتك ونفسك وبالانجلش ممكن تقول my short term goal is to get a job in the bank where i can improve my career path and my skills.my long term goal is to gain experience and to be in respectable position in the bank and to improve myself by studying , practicing and put all my effort to reach my aim .( دى اجابتى انا الشخصية اللى عنده اجابة احسن اكيد يقولها )

7_ ليه عايز تشتغل ف البنك الاهلى ؟او هتقدم ايه للبنك والبنك هيقدملك ايه ؟ممكن تقوله انها اكيد فرصة كبيرة لاى حد انه يشتغل ف اكبر بنك ف مصر وشرف لاى حد انه ينتمى لكيان كبير زى البنك الاهلى البنك هيقدملى خبرة كبيرة مش هكتسبها ف اى مكان تانى و انا هقدم للبنك طاقتى ومجهودى فى انجاز الشغل وفى انى اتعلم كل جديد ( دى برضه اجابتى انا واللى عنده اجابه احسن ممكن يضيفها )

8_ ليه اختارك انت بالذات او ايه هى نقاط قوتك ؟ ( حضروا السؤال عربى وانجلش )ياريت اجابة السؤال دا كل واحد يحددها بنفسه وياريت تكون حقيقية عشان توصل للى قدامككل واحد عنده مميزات وقدرات مش عند غيره يعنى فيه اشخاص عندها مهارات تواصل عاليه .. ناس تانيه تقدر تشتغل تحت ضغط .. غيرهم بيعرفوا يتصرفوا ف المواقف الصعبه .. ناس تانية بتقدر تنجز اكتر من مهمة ف وقت واحد .. ناس عندها سرعة تعلم وغيره كتير دى مجرد شويه افكار فا ياريت كل واحد يركز ويكتب نقط قوته ويعرضهم بشكل كويس

9_ ايه هى نقط ضعفك ؟ ( ممكن يتسأل عربي او انجلش )فى اجابة السؤال دا ياريت نبعد عن الحاجات الشخصية اللى هو ملهوش دعوة بيها ونبعد عن الحاجات اللى بتأثر على الشغل .. يعنى مينفعش اقول انى عصبي او مبستحملش الضغط او حاجة زى كدهوطبعا مفيش حد مفهوش عيوب .. يبقي الحل انك تشوف عيب ملهوش تأثير على الشغل او تقول عيب بس تتكلم على انه كان موجود عندك وانت تغلبت عليه او تقول ميزه بس تقلبها عيب انا هقول امثلة بس دى مجرد افكار يعنى يستحسن برضه تدور على حاجة فيك عشان متبقاش حافظ و زيك زى غيرك ممكن مثلا تقول انك كسول شويه فى الحاجات اللى مش ضمن اهتماماتكi’m a bit lazy about which i’m not interested. او ممكن تقول انك عايز تتعلم كل حاجة ف وقت واحد ودا بيشتت انتباهك ولكنك تغلبت على دا وبقيت بترتب افكاركi wanted to learn everything in the same time but i organized my ideas. دى تقريبا كل الاسئلة اللى بتتسأل ف الانترفيو .. طبعا مش هتتسألها كلها لكن لازم تحضرها كلها وتتدرب عليها عشان تكون جاهز لاى سؤال .. معلش نتعب شويه عشان نبقى عملنا اللى علينا اى حد حابب يضيف اى حاجة يتفضل .. واى حد حابب يسأل اى سؤال برضه يتفضل وانا لو اعرف الاجابه هجاوب عليهيا رب البوست ينفعكوا ويكون سبب فى توفيقكوا ف الانترفيو متنسونيش من صالح دعائكم ف الايام الجميلة دى ^_^

وده كلام اخ تاني

صباح الخير يا شباب :) انا عملت اول انترفيو .. هحاول احكيلكوا الموضوع عشان الناس اللى عندها انترفيوهات الفترة الجايه يكون عندها صوره عن الدنيا بتمشى ازاى وتستعد كويس و ربنا يكرم ويوفق الجميع ان شاء اللهاولا لما بتوصل بيدولك ابليكشن تملاه بيكون زى الابليكشن اللى احنا مليناه على موقع البنك كده هتملى ( اسمك و عنوانك و رقم تليفونك وايميلك و اسم مدرستك الثانويه و الكليه والجامعه والتقدير وسنة التخرج وحالتك الاجتماعية اللى هو متزوج او لا وكده وموقفك من التجنيد واسم الوظيفه اللى اشتغلت فيها قبل كده و اسم الشركة و اشتغلت من امتى ل امتى والمرتب كان كام وسيبتها ليه و معلومات عن الاهل اسم الاب والام والاخوات والزوج وبيشتغلوا فين ومقيمين فين وعايز تشتغل ايه ف البنك وايه اقرب فروع ليك ) دى تقريبا كل المعلومات المطلوبه ف الابليكشن بعد ما بتملاه بيعدوا عليكوا كشف فيه الاسماء تمضوا جنب اسمكوا وبعد كده بيندهوا على الاسامى عشان تدخلوا تعملوا الانترفيو الانترفيو مش بيكمل 5 دقايق انا عن نفسي الاتش ار اللى عملى الانترفيو كان محترم جدا .. مضايقنيش ومعملش اى حاجة توترنى كان بيسمعنى باهتمام و مقاطعنيش ف الكلام رحب بيا وعرفنى بنفسه و بعدين سألنى بالانجلش عرفى نفسك و ليه مشتغلتيش بقالك فترهبعد كده قلب عربى وسألنى تعرفي ايه عن التيلر و احكيلى موقف صعب عدى عليكى وحلتيه ازاى و ايه طموحك الفترة اللى جايه وبابا وماما وجوزى بيشتغلوا ايه وفين بس كده وبعدين قالى انه لو نجحت هيبعتولى مسج بمعاد التكنيكال من اسبوع ل 10 ايام ولو عدى الوقت دا ومبعتوليش يبقى منجحتش وهو بيسألنى كان بيبص ف ال سى فى والابليكشن اللى معاه ومأخدوش منى الورق و كان بيكتب حاجات ف الورق عنده وانا بتكلم بس انا مركزتش مع الكتابه لان ناس كتير ركزت مع الكتابه دى واتوترت دا تقريبا كل اللى حصل ف الانترفيو بالظبطنصيحتى للناس حضر نفسك كوووووووويس للانترفيو و اهدوااااااااا خالص وانتوا بتعملوا الانترفيو .. انا كنت محضره كويس وحاولت اهدى نفسى على اد ما اقدر بس برضه اتوترت شويه ومتهيألى لو مكنتش اتوترت شويه كنت جاوبت احسن من كده بس عموما انا حاسه انى عملت اللى عليا والحمد لله و سواء بعتولى او لا مش هزعل لانه اكيد هيكون خير وكانت تجربة كويسه استفدت منهاان شاء الله هعمل بوست تانى عن ازاى حضرت نفسي للانترفيو لعل حد يستفاد منه و ربنا يكتبله بسببه النجاح والتوفيق .. دعواتكم ليا بالتكنيكال بقى واى سؤال انا تحت امركوا ^_^


-#-# -#-# -#-#
-#-#

0 تعليقات على " "