أخـر المقالات

الاثنين، 14 نوفمبر 2016

امتحانات البنك الاهلي والمقابلات والملفات علي النظام الجديد

-#-#
بسم الله الرحمن الرحيم
في المقاله دي هنتكلم عن امتحان البنك الاهلى الجديد او نظامه الجديد في الامتحان 11/2016
⏪⏪⏪⏪ ان شاء الله هنعرض كلام الناس اللي دخلت الامتحان وكل واحد واسلوبه

( كل الشكر للناس اللى امتحنت وبتساعد غيرها دعــــــــــواتكم ليهم ولي بالله عليكم 😊)

..  ..........................

.....................
أولا البنك غير نظام الإمتحانات من يوم 24/10/2016 بمعني اللي بيجيله رساله بالإمتحان دلوقتي يكون مستعد للفرست والسكند مع بعض وبعدهم اتش ار انترفيو وده كله في يوم واحد
أما اللي امتحن فرست علي النظام القديم سواء اتوفق او هيعملوله اعاده فهيكون علي النظام الجديد
النظام الجديد زي ما قولنا فرست وسكند واتش ار انترفيو وده أسهل كتير من النظام القديم لانه شال الليسننج من الانجلش للناس اللي عندها عقده شويه من الليسننج ده بالنسبه للانجلش وشال مسائل ال nuts & bolts وشال ال family tree والامتحان بقي عباره عن رسومات هندسيه فقط ده بالنسبه للسكند او اسمه زي ما هما بيقولوا هناك Logical test
الفرست :- عباره عن 42 سؤال انجلش بيتحلوا في ساعه الا ربع واللي بينجح بيكمل واللي مابيتوفقش بيقولوه هنكلمك بعد 6 شهور
لينك حروف الجر :
اضغط هنا
ثانى حاجة لينك فايل الجرامر

والفايلين دول مهمين PDF نزلوهم علي اللاب توب وذاكروهم كويس جدا وبعدين ادخلوا علي موقع أكسفورد حلوا كتير جدا من عليه ما عدا الليسننج طبعا مش لازم وده لينك أكسفورد من هنـــــــــا

السكند :- عباره زي ما قولنا عن حوالي 10 رسومات هندسيه وانت بتختار الشكل المناسب اللي يكملهم
اللي مابيتوفقش في الامتحان ده بيمشي برضو للأسف واللي بينجح بيملا أبلكيشن وبيدخل اتش ار انترفيو بسيط كده عباره عن عرف نفسك بالانجلش وشويه أسئلة بسيطه عن الفرق بين التللر والكستمر سيرفس والدك ووالدتك وأخواتك شغالين ايه ليه حابب تشتغل في مجال البنوك موقف صعب مثلا في شغلك مريت بيه وحليته
وبعد كده بتاخد صورة البطافة وشهادة التخرج ويقولوا هنكلمكم في خلال مدة معينه ممكن اسبوع او اتنين او 3 شهور زي ما حصل مع بعض الناس
بالتوفيق للجميع ان شاء الله

-#-# -#-#

19 تعليقات على " امتحانات البنك الاهلي والمقابلات والملفات علي النظام الجديد "

يا شباب الى عنده امتحان ميقلقش خالص الدنيا سهلة انشاء الله ... الامتحان على الكمبيوتر فى الاول 42 سؤال انجلش جرامار اغلبهم و سهلين اوى بس محتاجين تركيز بس مش اكتر الى بينجح فيه بيمتحن ال iq test .. نتيجة الامتحان الاول بتطلع بعديها ب 5 دقائق و الامتحان التانى برضة نفس الكلام ... الامتحان الاول فى 45 دقيقة و التانى فى 15 دقيقة .. الى بينجح فى التانى بيملا ابلكيشن و بيخوش الانترفيو .. سهل برضة مش رخم اوى يعنى ... الانترفيو فى الاول انجلش و بعدين بتكملوا عربى عادى ( للولاد .. لااااازم جرافتة و احلقوا دقنكوا) ربنا معاكوا يا شباب

انا امتحنت الفريست ع النظام القديم من 3 شهور وانهارده بعتولى مسج بميعاد امتحان وطالبين شهادة التخرج والميلاد فلو سمحت ممكن تقولى انا كده همتحن الفريست والسكند تانى ولا همتحن السكند بس لان مفيش اى توضيح فالمسج انى عديت من الفريست ولا لأ ؟ ارجو الرد سريعا لو سمحت

انا امتحنت و مش اتوفقت و كل لما اجي اسجل تاني يديني الرقم موجود ع الداتا بييز

طيب ارجو منكم الرد انا اتبعتلى رساله من فترة بامتحان فى المهندسين ومروحتش كان عندى ظروف هل ممكن يبعتولى تانى ولا اروح الفرع الرئيسى

هو ابة الفرق بين الفيرست والسكند

انا وصلت لمرحلة اتش ار انترڤيو ف شهر مايو
ومتبعتش ليا تكنيكال او اي حاجه
ده تفسيره ايه لو تسمح

طب بعد اذنكوا اللي امتحن ع النظام القديم من شهر 8 ورجعوا بعتوله ع النظام الجديد ومتوفقش بيكون ليه فرصه تانيه ولا كده خلاص ؟؟؟
ارجو الرد ضروري بعد اذنكوا

لينك الجرامر مش بيفتح ممكن تحديث

لينك الجرامر ضرورى الله يباركلك

اختبارات حقوق بتكون عباره عن ايه من فضلك انجلش زى تجاره برضه ومسائل حسابيه ولا ايه

بعد فترة 6 شهور سيتم ارسال رسالة لك لاعادة الامتحان

لو سمحتو يا جماعه انا قدمت وجاتلى مسج بالفعل بيمعاد الانترفيوم وانا خريج 2015 وانا من الاسكندريه والانترفيو ف القاهره ونفس الوقت انا تقديري العام مقبول ممكن لما اروح يقولولى مينفعش ...افيدووونى افادكم الله

الناس اللى امتحنت اول مره و مانجحتش و بعتولها تانى بعد 6 شهور و حصلها ظرف وما قدرتش تروح نظامهم ايه

سوال بجد و ارجو الرد انا امتحت لحد الانترفيو و داخلت بس الhr قالي من اسبوعين لحد شهر من كلامه حسيت اني سقط ولا فعلا هما بيستنوا من اسبوعين لحد شهر و بعدين يبعتوا؟!

انا جالى مسج بالامتحان يوم 13/8/2017 انا عاوز اسال النظام الجديد فى الامتحان السكند هيبق فيه احصاء و رياضه ولا رسومات ال iq و خلاص

انا جالى مسج بالامتحان يوم 23/8/2017
ياريت حد يفدني بااسالة جات في امتحان الانجلش

لو سمحت انا كنت امتحنت بيرسونال يوم 10/10/2017 ومجاليش حاجه لغاية دلوقتي اعمل ايه علشان اقدم تاني حتي لو همتحن من الاول خالص

لو سمحت انا كان عندي اعاده امتحان ومرحتش هيبعتوا انتا لو سمحت

لو سمحتم جاتلي رسالة من البنك الأهلي بس مش عارف فين العنوان أو اروح امتحن فين أرجو الرد سريع لاني مفروض هروح الأسبوع الجاي ان شاء الله