أخـر المقالات

الاثنين، 6 فبراير 2017

طريقة تقديم وامتحان البنك العربي الافريقي واهم الملفات الخاصه بالامتحان

-#-#


بسم الله الرحمن الرحيم
في المقال ده ان شاء الله هنتكلم عن البنك المحترم في مصر البنك العربي الافريقي
المقال بتاعنا بينقسم الي
1_ طريقة التقديم
2 _ الامتحان
3 _ المقابلات الشخصية
 4_ الملفات الي هتذاكر منها
___________________________
1- طريقة التقديم
سهله وبسيطة جدا هتملي الابليكيشن من هنا

_____________________________
2_ الامتحان
وهيكلمنا عنه اخونا محمد الي مش محتاج اي حاجه غير بس دعواتكم

امتحان البنك العربى الافريقى
2017
الامتحان مش سهل و مش مستحيل بصراحة...كل اللى محتاجة انك تكون شخص هادىء و عندك ثقافة شويتين و فى نفس الوقت اساسيات المحاسبة و الاقتصاد و تسويق

اولا: الامتحان ساعتين و نص و ممكن يخليه 3 ساعات لو فعلا قربت تخلص ممكن يخليك تاخد نص ساعة عادى

ثانيا: المكان هو الهيد اوفيس 5 ميدان السرايا – الزمالك

اوعى و انت داخل الرهبة تدخل قلبك لانك ببساطة هاتحس انك داخل قصر او انك اتعزلت عن مصر و بقيت فى قصر البارون مثلا...حاجة قمة فى الشياكة بصراحة

ندخل للمهم...

الامتحان كله فى ورق مش كمبيوتر (20) ورقة و معاك انسر شيت

اول جزء فى الامتحان عبارة عن الانجليزى.. تقريبا 30 سؤال
لغة الامتحان كله انجليزى

تكون مذاكر جرامر و الامتحان الانجليزى تقيل ... ظبطوا كلمات تويفل مثلا
و فى جزء من الاسئلة الانجليزى بيبقى كالاتى
1 2 3
Ahmed  have  a car

و يقولك ايه رقم الجملة الغلط.. اكيد الاجابة هنا الجملة رقم 3 المفروض تكون وهكذا بس على اصعب طبعا
  has
verbal بعد كده قطعة تقدر تصنفها
يعنى تتوقف على مدى فهمك للانجليزى... و القطعة دى كانت بتتكلم عن راجل عنده بيت ازياء مشهور لبراند مشهورة جدا فى الحقيقة.. المهم الراجل ده وصل لسن 55 سنة تقريبا و اعتزل لانه شاف ان البراند دى مبقاش ليها مكان و سط الازياء الحالية و اللى شايفها انها مش كويسة و تافهة... هاييجى بقى يسألك مثلا هو مبقاش يصمم ملابس ليه؟؟ علشان عنده 55 سنة؟؟ و هكذااا

ادخل بقى على الاقتصاد ( الاقتصاد عبارة عن اساسياته فقط) و دول هدية كده منى
سؤال 1.. احتياطى اى دولة فى البنك المركزى ايه؟؟ الدهب
Limited 2..الاقتصاد فى اى دولة بيكون ...
3.. لما بيزيد العرض على سلعة .. المفروض الطلب بيزيد ولا يقل .
تزاكروا اقتصاد لما تزهقوااااا  العرض الطلب المرونة و انواعها

ثانيا: المحاسبة ,,
Assets=liab+owner’s eq. اول سؤال : معادلة البالنس شيت  
2. Losses increased so the effected balance is equity
3.مسألة تاجر كان عنده مخزون ب 100 الف مثلا فى بداية الفترة و خلال الفترة اشترى ب كذا و باع ب كذا و فى اخر الفترة لقى ان مخزون نهاية الفترة بقى كذا
و يبدأ يسألك حاجات زى دى
4.. الريشوز يا جماعة مهمة .. الكويك ريشوز و كاش و حاجات كده
Income st. w b\s 5.. ماتدخلش الامتحان لو مش بتعرف تعمل (ق.دخل و ميزانية)
  بس مش هايطلب منك واحدة كاملة طبعا مجرد انك تكمل مثلا

من الاخر .. اقتصاد و محاسبة كلها اساسيات سنة اولى و هاتلاقى المحاسبة بالنص تقريبا من
Accountingcoach.com
و الاقتصاد نركز على العرض الطلب و بعض المصطلحات الاقتصادية
و بردو نذاكر المعلومات اللى فى الملف القديم لامتحانات البنك








المعلومات العامة
خد منى دول ادخل حطهم علطول من غير ماتفكر
بعد ماتوصل للاجابات طبعا :D

اول واحد تسلق قمة ايفرست مين؟
افتتاح قناه السويس القديمة سنة كام؟
اكبر محيط فى العالم ايه؟
اول مصرى حصل على جائزة نوبل مين؟
رئيس مجلس الادارة لبنك العربى الافريقى؟
محافظ البنك المركزى؟

فى 2 كمان تقريبا بس مش فاكر والله


تدخل على الى كيو


Evil to 1234 like live to….
و الاشكال سهلة و ذاكروا الفايل ده فيه اى كيو كتير جه

بالنسبة عمليات الحسابية حضرتك ذاكر اساسيات الضرب و القسمة و لما تبقى فى علامات عشرية و الجو ده

فى الاخر ترجمتين
اول واحدة بتتكلم عن العلم و ان مصر رائدة العلوم على مر التاريخ و علينا ان لانفتخر بمضاينا لاننا اصبحنا فى ذيل الامم و يجب علينا ننهض و الكلام ده
و كلمة اختراق قرفتنى لحد ما افتكرتها

الترجمة التانية تترجمها لعربى و دى كانت عن التطور التكنولوجى اعتقد





الملف ده مش هو كل حاجة  .. الملف اللى قبل ده اللى هو الملف السابق علطول لامتحانات البنك ده شامل اكتر من اللى انا كاتبه... لكن المعلومات اللى هنا جت بالنص يعنى شوفوا اللى قبل ده و بعدها اقروا ده انا كنت حابب افتكر والله اكتر من كده بس ده اللى فاكره والله ... الحاجة الرخمة بصراحة هى العمليات الحسابية ... الاسئلة االلى ذكرتها كلها جت بالنص يعنى لو قدرت افيدكم بيهم يبقى الحمد لله لان الامتحان طويل والله و 3 ساعات بتطلع من الامتحان مش فاهم اى حاجة و حاسس انك كنت فى عالم تانى

ربنا معاكم ذاكروا هاتنجحوا و بأمانة البنك ده يستحق التعب
ربنا معاكم
__________________________
3_ اسئلة المقبلات الشخصية
؛
ب
ب
ب
_________؛_؛___________
4- الملفات الخاصه بالامتحان
تقدر تحملها من هنا

-#-# -#-#

2 تعليقات على " طريقة تقديم وامتحان البنك العربي الافريقي واهم الملفات الخاصه بالامتحان "

لو سمحت انا كنت عاوز اعرف هو ممكن ادذخل بالالة الحاسبة ؟

من فضلك أنا رحت قدمت السي في أكتر من مره ده غير اني بعته على موقع البنك من غير اي رد وانا تعبت بصراحه ومش عارفه أعمل إيه