طرق التقديم علي وظائف بنك الـ CIB وشكل الامتحان والانترفيو وروابط التدريب عليها



بسم الله الرحمن الرحيم

ان شاء الله في المقال ده هنتكلم عن الـ CIB 
وهيكلمنا عنه الاستاذ --->   Bassem Shika  والتجربه منقوله منه ياريت دعواتكم ليه بالتوفيق :)


طريقة التقديم 
ابعتوا الـ CV على الايميلات دى
khaled.elkhatib@cibeg.com
nada.mahdy@cibeg.com
ahmed.elsebaie@cibeg.com
noora.hady@cibeg.com

__________
كمان املي الابلكيشن بتاع البنك واحتفظ بـ الـ ID عشان هتحتاجه يوم الامتحان 
بعد كده بتعمل حساب علي الموقع وتملي الابليكيشن بنسبة 100% وبعد كده تدخل علي الوظايف وتقدم علي اللي تناسبكالابلكيشن من

 تقدم الان

والوظائف المطلوبه حالياً من  هنـــــــــــا

وبعد ماتخلصه ان شاء الله فى Hr هيكلمك بعدها بيوم او وقت ماتشوف بس متقلقش هيكلموك بس ابعت CV حلو ومنظم بس 
ولما يتصل بيك هيسألك يقولك ممكن نعمل انترفيو بسيط فى الموبيل وهيقولك بالعربى تقديرك ايه هتقوله وهيقولك من جامعة ايه هتقوله وبعدين يقولك Introduce yourself فانت تكون مجهز كدة اجابة كويسة وجاهز فى اى وقت تقوله عليه زى مثلا 
My name is .... i am from ... i have graduated from .... university faculty of .... my GPA is ...
بس كدة وهيقولك هبعتلك ان شاء الله ميل على الاميل بتاعك فيها كل التفاصيل هيبعتهالك فى خلال يوم او اتنين او بليل يعنى فى الحدود دى 

نيجى بقا للامتحان والانترفيو


 ... من الاخر لو عديت الامتحان فانت كدة اتعينت خلاص فى CIB لانه صغب وتقيل ووقت قصير ومش اى حد ممكن يعديه وهما كدة كدة فى الاميل هيبعتولك لينك تتضرب على الامتحان بس اللينك الى انا هنزلهولك افضل واتدرب كتير جدا عليه 
والامتحان عبارة عن 3 اجزاء
Numerical وده عبارة عن احصاء وياريت لو حد يكون فاهم احصاء يذاكرلك
Verbal ودا انجلش انا كان جايلى الانجلش سهل بس خد بالك مفيش وقت يعنى انجز وعايز اقولك معلومة فى الانجلش ان هيجيبلك 30 سؤال كل 3 اسألة عليهم قطعة يعنى من الاخر اقرأ السؤال والاول وافهم عايز ايه واقرأ القطعة وانت هتجاوب وانت بتقرأ
logical وه الرسومات وال IQ وده اول حاجات سهلة والكام واحدة الاخيرة عايزة تفكير وتشغيل دماغ وتدريب برضو
الاول 25 سؤال تققريبا عليهم 17 دقيقة
والتانى 30 سؤال 18 دقيقة تقريبا
والثالث مش فاكر كام سؤال وكام دقيقة بس 17 دقيقة تقريبا و17 سؤال
وده لينك الاسألة والامتحان 


هتدخل هتلاقى فوق اسامى الامتحانات هتختار وتدوس Candidate وهتلاقى امتحانين لكل امتحان وتدوس practice وتتمرن وبعدين تشوف الحل وقبل الامتحان بليل كدة هتلاقى كلمة test ادخل وشوف نفسك واتمرن تحل بسرعة
وانت بتحل انجز وبسرعة واتمرن كتييييير لانه مش سهل خاااالص 
لو نجحت هتدخل الانترفيو ولو سقط هيقولك للاسف سقط ومينفعش تقدم تانى هنا الا بعد سنة بالظبط ودى حاجةبتظلم ناس كاتير وظلمتنى انى مدخلتش الانترفيو وشافنى وعرف شخصيتى واتكلم معايا لانى كنت واثق مية فى المية انى هنجح وهكون موفق جدا بس الحمد لله
لو ربنا كرمك ودخلت الانترفيو دى الاسألة وتكون مجهزها عربى وانجلش علشان لو زنقك
هيقولك قدم نفسك هيقولها بالانجلش طبعا وانت تقدم بالانجلش وتقولها بشكل كويس وهادى كدة واتقل وخليك راسى متتسرعش وتهته لا اتقل دا شخص زيه زيك وطبيعى وهناك ناس محترمة وجميلة
وهيقولك تعرف ايه عن البنك
وتعرف ايه عن التيلير او الوظيفة الى انت مقدملها
وليه اختارك انت فقوله كام ميزة فيك وانت هتحقق نجاح للركة وتعظم قيمتها وكدة يعنى
ومين هو ئيس البنك المركزى ( طارق عامر )
مين هو رئيس ال CIB ( هشام عز العرب )
قولى كام ميزة فيك وقولى كام عيب وفى الحالة دى قوله عيب يكزن حلو يعنى قوله مثلا عندى عيب انى لو عايز اوصل لحاجة بعافر عليها وبضيع وقت كبير فى حياتى علشانها وانى بدأت اصلح العيب ده ف انى اهتم بالاهمية على المهم كدة يعنى
وبكد اكون انهيت مهمتى بافادة الجميع واى حد يقرأ البوست ده او ربنا يكرمه بالوظيفة يدعيلى اى حاجة من عنده وشكرا للجميع وبالتوفيق

تعليقات

  1. nada.mahdy@cibeg.com
    noora.hady@cibeg.com
    الايميلات دي مش شغاله وبيقول دايما الرسالة دي Address not found
    يرجي التأكد من الايميلات اللي بتنزل

    ردحذف
  2. طيب لو هما اتصلوا بيا وانت كنت نايمه وصحيت مااعرفتش اقول حاجه هيتصلوا بيا تاتى ولا كدا خلاص

    ردحذف
  3. طيب و ال technical بيردوا عليه بعد قد ايه

    ردحذف
  4. ازاي اعرف اجابات اسئلة ابتاعت لينك

    ردحذف

إرسال تعليق

المشاركات الشائعة من هذه المدونة

امتحان البنك الاهلي الجديد 2017 / 2018 English and IQ test

طريقة التقديم وامتحان بنك القاهره

مسابقة البنك الزراعي المصري 2018