أخـر المقالات

الجمعة، 29 سبتمبر 2017

شرح امتحان بنك QNB واهم الروابط الخاصه بالامتحان

-#-#
-#-#


  في المقال ده ان شاء الله الاستاذ     Mahmoud Elkahky   هيشرحلنا امتحان بنك QNB شرح كامل باهم الروابط الخاصه بيه

السلام عليكم
البوست ده للناس اللي كانت بتسأل عن لينكات لتيست QNB و للأسف محدش كان بيرد عليهم ..أنا نفسي كنت بكسل  فده بوست عشان الفايدة تعم و ان شاء الله ربنا يجعله من ضمن الاسباب اللي تعدوا فيها
الامتحان عبارة عن 
1.Verbal Reasoningوده عبارة عن 3 براجرافات كل واحد 5 او 4 اسئلة اختياري كل سؤال 70 ثانية ما عدا اول سؤال للبراجراف بيبقى زايد شوية بيبقة 100 ثانية تقريبا
الجزء ده اسهل بكتير من اللي بييجي في اللينك بتاع ال practice 
و على فكرة أنا مدربتش نفسي عليه و عديت الحمد لله
عشان تعديه 
اول سؤال لكل براجراف بيبقى وقته زيادة شوية عن الباقي فمفيش مانع تجري بعنيك تاخد فكرة بس البراجراف بيتكلم عن ايه و بعدين تقرا السؤال الاول بالاختيارات و تجري بعينك ع الاجابة و متقلقش هتلاقي الاجابة بسهولة ان شاء اللهبس اهم حاجة اقرا السؤال بالخيارات عشان تحل بسرعة و اجري بعنيك اوعى تقرا البراجراف كله عشان مفيش وقت
2 .Numerical Reasoningأولا انتم في التيست مش هتستخدموا الا الالة الحاسبة بتاعة الويندوز عشان تبقوا عارفين
و ده اصعب جزء و عايز تركيز و سرعة و تحل صح طبعا و ده مش هييجي الا بالتدريب الكتير و غالبا مبيعديش منه الا 3 اشخاص من وسط 25 او 30 تقريبا
بالنسبة لي الامتحان جالي نصه السهل الممتنع و النص التاني في حاجات لفة و عايزة تركيز و لو مخدتش بالك منها ممكن تحلي الجزئية كلها غلط
يعني مثلا كان في سؤال حليته قبل كده جايب ال exchange rates لكل 1 euro اما التيست كان جايب لكل 100 euro و مكنتش باينة فلازم تقرا الجزئية صح و تركز عشان تعدي و بادرو اجري بعنيك عشان هنا بالذات مفيش وقت خالص
و في حاجات بتبقى حلها طويل شوية و عمرك ما هتلحق تحلها بس زي ما انت شايف الامتحان اسمه reasoning يعني الحل بالمنطق
يعني ممكن تجيب الحل من وسط الاختيارات من غير خطوات بالمنطق
يعني مثلا في اسئلة بيقولك ان رقم معين هيزيد بنسبة 40% في سنة 2004 عن سنة 2005 وبيجيبلك الاختيارات ارقام صغيرة منهم ارقام اصغر من الرقم الاصلي من غير الزيادة 40% فبالمنطق مش هتختارهم. و في اسئلة بتختار بعشوائية اقرب رقم انت منتوقعه للاجابة الصح
بس ده بس في حالة انك في وسط الخطوات و في اخر عشر ثواني . اهو العشر ثواني دول تفكر فيهم عشان تعرف تختار اجابة عشوائية صحيحة 
في اخر عشر ثواني او عشرين ثانية الوقت بتلاقيه احمر لو انت في نص الخطوات و حاسس انك الباقي هيطول نصيحة بلاش تتحدى نفسك و تحاول تجيبها لانك ممكن متلحقش حتى لو جبتها ممكن متلحقش تختار اصلا. انا كان في سؤال طول معايا و جبت الاجابة و شوفتها في الخيارات لسا بختار الوقت خلص و هوب قلب السؤال اللي بعديه..اتحسرت بصراحة 
ملحوظة مهمة :
و بالمناسبة بالنسبة للي مقدمين من برا محافظة القاهرة لو عديتوا من التيست ان شاء الله في انترفيو بيرسونال بعديه هما مش هيبلغوكم بيه عشان تبقوا عارفين فبالمرة زاكروا للانترفيو عشان انا عديت التيست و اتفاجئت بالمقابلة و هو ده السبب في اني اترفضت
والسئلة بتاعتوا عادية كلها بيرسونال زي عرف نفسك و تعرف ايه عن qnb و كام فرع و الفرق بين الديبيت و الكريدت كارد و كده ممكن تدوروا عالاسئلة بتاعته هتلاقوها ان شاء الله
وده لينك التيست اللي بيبعته البنك هنــــا
و دي اجاباته هنـــــا
ده لينك تاني الاسئلة النوميريكال بالاجابات و ان شاء الله ميطلعش منها هنـــــا
و ده باردو اسئلة numerical و verbal بالاجابات خير ربنا كتير  هنـــــا
ده بقى فيديو بيوضح احسن طريقة لحل التيست صح و بسرعة هو بالانجليزي مش مترجم بس هيفيدكم كتير هنــــا
في أسئلة هتلاقوها طويلة اوي في اللينكات دي هي مش هتيجي بس ع الاقل حاولوا اعملوا تحدي و حلوها في دقيقة او دقيقتين بالكتير هتفرق معاكم اوي.
لو حليتوا ده كله و دربتم نفسكم في الحل في اقل من دقيقة او 70 ثانية انتم كده معديين ان شاء الله
و لو حد عايز حاجة او مفهمش حاجة من الحل يقولي وان شاء الله احاول اساعد..محتاج دعواتكم.... ربنا يوفق الجميع
-#-# -#-# -#-#
-#-#

2 تعليقات على " شرح امتحان بنك QNB واهم الروابط الخاصه بالامتحان "

ممكن تقولى الاكونت بتاعك ايه او رقم موبايلك واكلمك بعد اذنك

اللينكات معظمها بايظه مش بتشتغل !!!!