أخـر المقالات

الثلاثاء، 31 أكتوبر 2017

كل مايخص المقابله الشخصيه لبنك مصر

-#-#




بسم الله الرحمن الرحيم
في المقال ده ان شاء الله الاستاذ  Waleed Dakrony هيكلمنا عن انترفيو بنك مصر 
انترفيو_بنك_مصر 
الخلاصه فعلا 
بسم الله الرحمن الرحيم 
هنقسمها كذا جزء هنبتدى بقى بالتدريج من اول م تطلع م ببتك 
#اللبس 👔 و ده مهم اختار الوان مناسبه . البدله متكونش واسعه . تفتح زرار البدله لما تقعد . تظبط قعدتك ( لو لبست كرفته نبيتى ساده على بدله كحلى او اسود و قميص ابيض ي ريت لانه اللبس الفورمال بتاع الموظفين هيعجبهم اوى والبنات طرحه نبيتى و قميص ابيض و جاكت اسود او كحلى ) 
#الابتسامه 😊 هى اساس االانترفيو ابتسامه هاديه كده و جميله متبقاش واضحه اوفر ولا إتم 😁
#ال_Cv ده الاهم اعمل cv محترم لانك هتصوره و هتسلمهلهم هيسالوك منه فخلى فى ال cv حاجات تقدر تتكلم عنها مثلا 
اكتب عن شغلك و مهاراتك االتطوع و اكتب انك بتحب ال #sales و هقولك ليه تحت 😃 اكتب شهادات اخدتها و كورسات 
#الكدب 😈 لو هتكدب فى ال cv (انا مش بحب كده ) بس لو هتكدب يبقى خليك شاطر فى كدبك وواثق فى كلامك علشان لو حد اكتشفك هيحرجك و هتمشى م غير م تكمل الانترفيو نروح بقى لل 
#الانترفيو (المعركه نفسها ) 💪 زى ما قولتلك هتدخل بابتسامه هيقولك اتفضل تقعد بهدوء متتوترش خالص و متتحركش كتير و هيبتدى يطمن عليك ولو جاى م سفر يقولك حمد لله ع السلامه و يبتدى بقى الجد يبص فى ال cv 
الاسئله نوعين #تكنكال و #بيرسونال اللى يحدد ايهم اكثر بيبقى ال cv و اسلوب كلامك 😊
من الاخر كل ما يكون ال cv مليان شغل و معافره هيسالك بيرسونال اكتر و يقلبها ونسه و هيسالك سؤال او اتنين تكنكال و العكس لو ال cv مفهوش اى حاجه و انت وحظك بقى 
=اولا خليك هادى انت و بتجاوب و مبتسم و باصص فى عينه و متتكسفش لو معرفتش تجاوب قول معرفش بس ارجوك (لا تفتى ) 
نجى ف اسئله البيرسونال عرف نفسك شغال ايه و فين لو شغال ي ريت تكون شاطر ف شغلك لانهم ساعات بيسالوا ف حاجات م جوا شغلك لو محاسب مثلا بيحب يعرف محاسب ايه و بتشتغل ع برامج ايه ويقولك افرض عملت القيد ده غلط تصلحه ازاى 
لو شغال فى فودافون مثلا يقولك اعمل باقه نت ازاى و الغيها ازاى اكلم خدمه عملاء ازاى 
= نيجى لحاجه جميله لو انت شغال sales او marketing هيحبوك اوى علشان كده بقولك اكتبها البنك محتاج ناس sales كتير فى لو اتبسطوا منك هتعرف انك اتقبلت من انت و قاعد 
خليك محترم و جرئ برضو لو مشتغلتش sales اكتب انك بتحب تبيع و تسوق و انصحك لو هتضطر تكدب يبقى ده افضل جزئيه تكدب فيها و هى حبك لل sales لانهم هيحبوك جدا 
= فى سؤال بقى رهيب يقولك انت creative ولا لا ؟ جاوب اى قصه حصلت معاك بالفعل موقف ابداعى كنت فيه خلاق او عرفت تطلع من مشكله بسهوله لو معندكش اى موقف افتكر قصه حصلت مع صاحب لبك و احكيها كانك انت البطل بس خليك شاطر فى كدبك 😂 
بشجاعتك تقدر تخلبهم فى ملعبك و تتسال بيرسونال كتير ولا تكنكال 
بالنسبه للتكنكال 
#التكنكال الفيس مليان اسئله للانترفيوهات بس فى حاجه مهمه ركز عليها وافهم بلاش تحفظ و امثله زى التعويم _ اخر قرارات البنك المركزى _ التضخم _ الشمول المالى _ازمه الدولار _محفظه بنك مصر _العملات لبعض الدول _ايه الحلول من وجهه نظرك لحل المشاكل الاقتصاديه دى 
ممكن يسالك الفرق بين الشيك والكمبياله _ الكروت و يعنى ايه كارت فيز و ماستر والفرق بينهم اصول البنك ايه و هكذا 
التكنكال سهل بس افهم مش احفظ هو عارف انك خلصت كليه و ناسى كل حاجه هو ببركز ع شوف رده فعلك لما تتزنق فى سؤال و متعرفش تجاوب ده اللى بيهتم بيه اكتر م الاجابه 
حمل كل الفايالات واقراها بفهم امثله الفايلات فى جروب بنك مصر 
Sun will rise و خكذا 
اخيرا اسئله الانجلش 
#الانجلش انا واغلب اصحابى اتسالنا سؤال واحد لو زودها خالص يبقى سؤالين 
الاسئله الانجلش بسيطه جدا و بتكون زى 
* عرف نفسك ؟
* شايف نفسك فين بعد 5 سنين ؟ 
* الفرق بين البنوك الاستثماريه والتجاريه ؟ انا اتسالت السؤال ده بس 
والباقى فى الفايل كده خلصنا الانترفيو هتقوم برضو بابتسامه و تشكرهم و تمشى تقفل الباب وراك 😃
اهم نصيحه من وجهه نظرى 
بلاش الخوف لانهم بيشموا الخوف شم لو عرفوا انك خايف هيخلوك تتوتر و تتهته و مش هتعرف تقول اسمك و هما مش بيحتاجوا الخايف 
الكدب متكدبش الا لو ملقتش حل غيره بس تتقن كدبك علشان هيحرجك لو اكتشف انك كداب 
التوتر والقلق هو عارف انك ناسى كل الاسئله و مش بتذاكر بس عاوز يعرف انت اد الضغط ولا لا عند ثبات انفعالى ولا لا 
متردد ولا لا 
احنا بنعامل فى شغلنا جميع انواع العملاء هو مش حابب يشغل معاها الانسان الجبان اللى مش هيعرف يتعامل مع العميل 
الانترفيو اسهل بمراحل من التحريرى و فى ميزه جميله جدا و تخليك تطمن لا قدر الله لو مقدرتش تعدى اول انترفيو فى انترفيو ثانى و ثالث لحد لما تتقبل متقلقش 
فرصه كبيره جدا و بنك مصر اسهل انترفيو فى مصر اعرفوا انى ده رزق و محدش هياخد غير رزقه فمفيش حاجه تستاهل الخوف 
خليك ع طبيعتك هتكسب 😊
ربنا يوفقكم فى كل حياتكم و تبقوا زمايل لينا و تشرفونا 
-#-# -#-#

0 تعليقات على " "