أخـر المقالات

الجمعة، 15 ديسمبر 2017

اهم اسئلة مقابلة البيرسونال ومقابلة التكنيكال للبنك الاهلى المصري وافضل اجابه عليها

-#-#


 اهم اسئلة مقابلة البيرسونال ومقابلة التكنيكال للبنك الاهلى المصري وافضل اجابه عليها 

بسم الله الرحمن الرحيم 
ان شاء الله في المقال ده هنتكلم عن اهم الاسئله الخاصه بمقابلات البنك الاهلي وهتكون بافضل اجابات ان اشاء الله 

 اولا:. اسئلة واجابات مقابلة البيرسونال للبنك الاهلي


اهم شئ فى امتحان البيرسونال انك تكون واثق فى نفسك جدا واوعى تتهز او تدخل مرعوب وده سواء مذاكر كويس او مش مذاكر كويس اول ماتدخل " صباح الخير بابتسامه خفيفه كده " وتقعد بكل اريحيه وبنفس الابتسامه قدام الاتش ار الى بيسالك هيبدا يعرفك بنفسو واسمو وانه شغال بقالو فتره فلانيه فى البنك كل ده بالانجلش طبعا حتى لو مش فاهم او سقط حاجه فى النص متتوترش ولا تخاف اهدى خالص وخد نفس عميق وسمى كده واول مايخلص هيقولك جاهز وتبدا الاسئلة وبتكون بالانجلش لمده بسيطه يعنى سوال او اتنين وبيقولك جاوب براحتك عربى او انجليش
اهم الاسئلة الى بيسالها

اهم الاسئلة الى بيسالها
اهم الاسئلة الى بيسالها1- عرفنى بنفسك بتقوله كل حاجه عنك يعنى انا فلان الفلانى درست فى كليه كذا بتقدير كذا وحاليا مثلا شغال كذا او كنت فى الجيش بالنسبه للولاد وهكذا2- ليه حابب تدخل مجال البنوك وترد عليه عشان مثلا اتدربت قبل كده فى بنك فلان وحبيت المجال ده وحبيت انى اساعد الناس وتكمل اجابتك عادى خالص

3- ليه البنك الاهلى بالذات ودى عشان تجاوبها لازم تكون قارى شويه عن البنك الاهلى وهتلاقى اول ماتفتح السيت بتاعهم معلومات كتير جدا عن البنك احفظلك جملتين تلاته كده وشكرا

لان

4- احكيلنا موقف صعب جدا حصلك فى السنين الى فاتت وازاى حليتو وبرضو بكل هدوء بتحكى بس ياريت حاجه حقيقه بلاش تفتى او تالف عشان بيبان جدا جدا

5- احكيلنا مهمه او شغل كان متحددله وقت وانت قدرت تنجزة بدرى وبرضو زى الى فات بتحاول تشوف حاجه حقيقيه وتحكيها

دى اغلب الاسئلة الى بتتسال فى البيرسونال وبتخلص وتمشى وبتنتظر الرساله ومتقلقش خالص لو اتاخرت يوم اتنين اسبوع انت معاك من اسبوعين لشهر تنتظرها

تانى حاجه

اسئلة واجابة مقابلة التكنيكال للبنك الاهلي


دة بقا امتحان لطيف خالص كده بتدخل تلاقى رئيس قطاع غالبا وبيبقى راجل عسل فى نفسو كده وبيبدا يدردش معاك وكلو بالعربى ويشوف معلوماتك الاقتصاديه عامله ازاى او انت متابع ولا لا وبرضو تكون قاعد بكل اريحيه مفيش توتر ولا اى خوف الاسئلة بتكون كالاتى :

1- ليه الجنيه اتعوم مثلا : ودى اجابته بتكون عشان خاطر الاستثمار والمستثمرينب عشان مينفعش كل مايجى مستثمر يلاقى سعرين مختلفين تماما للدولار ده بالبلدى كده وحاول تشرح اكتر الفكره دى

2- انواع الشيكات ايه وده سوال سهل فى انواع كتير للشيكات فى شيك لحاملة وده بيكون لاى شخص حامل الشيك بس ده معرض للسرقه او الضياع وفى الشيك الشخصى وده بيتكتب عليه اسم الشخص الى هيصرفه وفى الشيك المسطر وده شيك بيبقى عليه خطين متوازيين وبيتصرف فى تاريخه وبتحويل الفلوس من حساب لحساب مش من عالشباك وفى شيك معتمد وفي شيك مصرفى

3- يعنى ايه شيك ويعنى ايه كمبياله ؟

الشيك اداه وفاء وبتعرف الشيك عادى جدا

انما الكمبياله بتكون اداه وفاء وائتمان

2- انواع الشيكات ايه وده سوال سهل فى انواع كتير للشيكات فى شيك لحاملة وده بيكون لاى شخص حامل الشيك بس ده معرض للسرقه او الضياع وفى الشيك الشخصى وده بيتكتب عليه اسم الشخص الى هيصرفه وفى الشيك المسطر وده شيك بيبقى عليه خطين متوازيين وبيتصرف فى تاريخه وبتحويل الفلوس من حساب لحساب مش من عالشباك وفى شيك معتمد وفي شيك صرفى

بس ده الى اتسالى مع دردشه خفيفه كده عن الكليه واقسامها وانت منين وابتسم وقالى تمام كده انا خلصت اى اسئلة قولتلو شكرا ليك ومشيت بس

القائم زميلنا الفاضل الاستاذ Khaled Ali ياريت تدعوله بالتوفيق وتدعولي انا كمان
وربنا يوفق الجميع بقااا :) ودعواتكو ياجماعه اسف عالاطاله 
-#-# -#-#

3 تعليقات على " اهم اسئلة مقابلة البيرسونال ومقابلة التكنيكال للبنك الاهلى المصري وافضل اجابه عليها "

لو سمحتو كنت عاوز اعرف هو الانرفيو الشخصى بيبقى في نفس يوم امتحان الانجليز والiq ولا بيبقى في يوم لواحده

ف الاول شكرا جداااااا على مجهودكم الرااائع
ثانيا ممكن اعرف ايه الخطوة اللي بعد مقابلة البيرسونال والتكنيكال ؟

كدة الخطوات
IQ - English test - personal interview - technical interview
صح كدة ؟
ايه الخطوات اللي بعد كدة ؟